მიმდინარე წლის 18 აგვისტოს, აჭარის ფინანსთა და ეკონომიკის სამინისტროს ორგანიზებით ბიზნესმენებისათვის და საჯარო მოხელეებისათვის მოეწყო გაცნობითი ტური სარფის საბაჟო გამშვებ პუნქტში, ადლიის გაფორმების ეკონომიკურ ზონასა და ბათუმის იუსტიციის სახლში. ტურის მონაწილეები, მათ შორის საერთაშორისო ინვესტორთა ასოციაციის წევრი კომპანიის წარმომადგენლები გაეცნენ ყველა იმ პროცედურას, რაც კერძო პირმა თუ ბიზნესმენმა უნდა გაიაროს: საქონლის გაფორმების პროცედურები, მნიშვნელოვანი ინფორმაცია ქონების რეგისტაციასთან, ბინადრობასთან, სანოტარო დოკუმენტაციის, მოქალაქეობის, პასპორტის, ორდინალური ვიზის, აპოსტილის მიღებასთან და სხვა მნიშვნელოვან საკითხებთან დაკავშირებით. თეორიული სემინარი იგივე თემაზე ერთი თვის წინ ჩატარდა. საბაჟო და საგადასახადო პროცედურების საკუთარი თვალით ნახვა სემინარის შემდგომი პრაქტიკული ეტაპი იყო.

გთხოვთ იხილოთ დაიჯესტი No 80

ოქტომბერში ბათუმის სასტუმრო „თანამგზავრის“ რეკონსტრუქცია დაიწყება. პროექტზე ქართველი და თურქი არქიტექტორები უკვე მუშაობენ. სასტუმრო კომპანია „დელტა ჯორჯიამ“ მიმდინარე წლის თებერვალში 3.5 მილიონ დოლარად შეიძინა. „დელტა ჯორჯიას“ გენერალური დირექტორის ჰაირულლაჰ გუნალის განცხადებით, „თანამგზავრის“ კომპლექსს დაემატება ერთი ორსართულიანი VIP სასტუმრო სახალი შენობა, კაზინო, დისკობარი, და სამკურნალო გამაჯანსაღებელი SPA ცენტრი. სულ პროექტში 2-3 მილიონი დოლარის ინვესტიცია განხორციელდება. „შეიძლება ითქვას, რომ ბათუმში ეს იქნება ერთადერთი კომპლექსი, სადაც დასვენება და გართობა შეეძლებათ ოჯახებს, თინეიჯერებს და საქმიან ადამიანებს,“ – განაცხადა ჰაირულაჰ გუნალიმ. კომპლექსში 59 ნომერია, რომელთა ღირებულება 100-280 ლარია. სასტუმროში ასევე მოქმედებს 4 რესტორანი, საკონფერენციო დარბაზი, 2 ბარი და საცურაო აუზი.

გთხოვთ იხილოთ დაიჯესტი No 79

გთხოვთ იხილოთ დაიჯესტი No 78

გთხოვთ იხილოთ დაიჯესტი No 77

გთხოვთ იხილოთ დაიჯესტი No 76

2011 წლის 12 ივლისს, ბათუმში სასტუმრო "ერაპალასში" გაიმართა სემინარი  თემაზე "საგადასახადო-საბაჟო საკითხები ინვესტორებისა და საჯარო მოხელეებისთვის". სემინარი მიზნად ისახავდა აჭარაში მოღვაწე ბიზნესმენების, ინვესტორებისა და მეწარმეებისთვის ადლიის “გეზის” მუშაობის წესების და გამარტივებული საბაჟო პროცედურების გაცნობას. სემინარს საერთაშორისო ინვესტორთა ასოციაციის წარმომადგენლები და რეგიონში მოქმედი ინვესტორები დაესწრნენ.

გთხოვთ იხილოთ დაიჯესტი No 75

2011 წლის 8 ივლისს, აჭარის ა.რ მთავრობის თავმჯდომარე, ლევან ვარშალომიძე  საერთაშორისო ინვესტორთა ასოციაციის წევრი კომპანიების წარმომადგენლებს შეხვდა.  მთავრობის მიზანია მაქსიმალურად ხელი შეუიწყოს ინვესტორებს მუშაობაში, დაეხმაროს წარმატებული ბიზნესის აწყობაში, რაც უფრო მეტი სამუშაო ადგილის შექმნისა და აჭარის ეკონომიკური სიძლიერის გარანტია -  განაცხადა ლევან ვარშალომიძემ. მთავრობის თავმჯდომარემ ინვესტორებს  მეტი აქტიურობისკენ მოუწოდა. შეხვედრაზე განიხილეს ინვესტორებისთვის მნიშვნელოვანი საკითხები, მათ შორის თურქეთის ქ. ადანიდან ჩამოსული ბიზნესმენთა ჯგუფის ინიციატივა აჭარის აგროსექტორში ინვესტიციების განხორციელების თაობაზე. შეხვედრაზე აგრეთვე განხილული იქნა საერთაშორისო ფინანსური ცენტრისა და აგრო ბიზნესცენტრის  მშენებლობა ქალაქ ბათუმში. საერთაშორისო ინვესტორთა ასოციაციის წევრებთან ლევან ვარშალომიძის შეხვედრა რეგულარულ, ყოველთვიურ ხასიათს ატარებს.