გთხოვთ იხილოთ დაიჯესტი No 100

მიმდინარე წლის 5 იანვარს, საქართველოს საერთაშორისო ინვესტორთა ასოციაციას თურქეთის რესპუბლიკის გენერალური კონსული ბათუმში ბატონი ენგინ არიქანი  და სავაჭრო ატაშე ბატონი ვოლქან ბერქერი ესტუმრნენ. შეხვედრას ასოციაციის თავმჯდომარე ბატონი ჯემალ ბილგინგულლოუოღლუ და გენერალური მდივანი ბატონი ოსმან ჩალიშქანი მასპინძლობდნენ. ვიზიტის მიზანს ინფორმაციის ურთიერთგაცვლა და თანამშრომლობა წარმოადგენდა. მხარეებმა ასევე ისაუბრეს ორ ქვეყანას შორის ბიზნეს ურთიერთობებზე.

გთხოვთ იხილოთ დაიჯესტი No 99

საქართველოსა და თურქეთის მთავრობებს შორის შეთანხმება საზღვრის გამარტივებული წესით გადაკვეთასთან დაკვშირებით  ძალაში  2011 წლის 10 დეკემბერს შევიდა.საქართველოს მოქალაქეებს, რომლებსაც ექნებათ საერთაშორისო სტანდარტების შესაბამისი ელექტრონული და ქართული და ინგლისურენოვანი საქართველოს მოქალაქის ახალი პირადობის დამადასტურებელი მოწმობა, შეეძლებათ მხოლოდ პირადობის მოწმობის მეშვეობით იმოგზაურონ საქართველოსა და თურქეთის რესპუბლიკას შორის. ასევე თურქეთის მოქალაქეებსაც შეუძლიათ მსგავსი ბარათის მეშვეობით საზღვრის გადაკვეთა. ოქმი „საქართველოს მთავრობასა და თურქეთის რესპუბლიკის მთავრობას შორის 1996 წლის 4 აპრილის სავიზო შეთანხმებაში ცვლილებისა და დამატებების შეტანის თაობაზე" ითვალისწინებს საქართველოს მოქალაქეებისათვის უვიზო მიმოსვლას თურქეთის რესპუბლიკის სახელმწიფოს ტერიტორიაზე 90 დღის განმავლობაში შემდეგი მოქმედი დოკუმენტების წარდგენის შემთხვევაში:

1. საქართველოს მოქალაქის პირადობის დამადასტურებელი მოწმობა (საერთაშორისო სამოქალაქო ავიაციის ორგანიზაციის (ICAO) 9303 დოკუმენტით და მისი არსებული დანართებით გათვალისწინებული სტანდარტების შესაბამისად) - ახალი ტიპის პირადობის მოწმობა, ID ბარათი;

2. საქართველოს მოქალაქის პასპორტი;

3. მეზღვაურის წიგნაკი (სამსახურებრივი მოვალეობის შესრულებისას; ეკიპაჟის განრიგისა ან მისი ამონაწერის არსებობისას);

4. საჰაერო ხომალდის ეკიპაჟის წევრის სერთიფიკატი (სამსახურებრივი მოვალეობის შესრულებისას; შესაბამისი გენერალური დეკლარაციის ან საფრენოსნო დავალების არსებობისას. საერთაშორისო სამოქალაქო ავიაციის ორგანიზაციის (ICAO) 9303 დოკუმენტითა და მისი არსებული დანართებით გათვალისწინებული სტანდარტების შესაბამისად მანქანაკითხვადი);

5. საქართველოში დასაბრუნებლად სამგზავრო მოწმობა.

გთხოვთ იხილოთ დაიჯესტი No 98

მიმდინარე წლის 16 დეკემბერს, საერთაშორისო ინვესტორთა ასოციაციის ოფისში სამეთვალყურეო საბჭო შეიკრიბა. დღის წესრიგში საბჭოს თავმჯდომარის არჩევა იყო. საბჭომ ახალ თავმჯდომარედ ენგინ ალთინსოი აირჩია.

გთხოვთ იხილოთ დაიჯესტი No 97

მიმდინარე წლის 9 დეკემბერს, საერთაშორისო ინვესტორთა ასოციაციას ეწვია თურქეთის დედაქალაქ ანკარიდან ბიზნესმენებისა და მრეწველების ასოციაციის „ANKISAD“-ის წარმომადგენლები. სტუმრებს ასოციაციის გენერალური მდივანი ბატონი ოსმან ჩალიშქანი შეხვდა. რვაკაციანი დელეგაციის მიზანს აჭარაში საინვესტიციო გარემოს გაცნობა წარმოადგენდა.  ბიზნესმენების სურვილია სამომავლოდ საინვესტიციო პროექტების განხორციელება.

გთხოვთ იხილოთ დაიჯესტი No 96

მიმდინარე წლის 2 დეკემბერს, საერთაშორისო ინვესტორთა ასოციაციის ოფისში მმართველთა საბჭო შეიკრიბა. დღის წესრიგში ასოციაციის თავმჯდომარის არჩევა იყო. სამჭომ ახალ თავმჯდომარედ თურქი ბიზნესმენი ჯემალ ბილგინგულლუოღლუ, ხოლო მოადგილედ "GPI Holding"_ის რეგიონალური წარმომადგენელი ნინო ფაცია აირჩიეს.