გთხოვთ იხილოთ დაიჯესტი No 87

გთხოვთ იხილოთ დაიჯესტი No 86

გთხოვთ იხილოთ დაიჯესტი No 85

2011 წლის 15 სექტემბერს, სსია-ს სტუმრობდა თურქთის ქალაქ საქარიის ვაჭრებისა და ხელოსნების ასოციაციის პრეზიდენტი ბატონი ჰასან ალიშანი და თურქეთის საცხობების ფედერაციის გენერალური კოორდინატორი ბატონი ნეცდეთ ჩოხამური. სსია-ს გენერალურმა მდივანმა ბატონმა ოსმან ჩალიშქანმა სტუმრებს მიაწოდა ინფომრაცია სსია-ს სტურქტურასა და წევრების შესახებ და აგრეთვე გაიმართა ასოციაციის შესახებ პრეზენტაცია. სამომავლოდ დაიგეგმა აღნიშნული ასოციაციების 50 კაციანი დელეგაციის ვიზიტი აჭარაში, ვიზიტს კოორდინირებას გაუწევს საერთაშორისო ინვესტორთა ასოციაცია.

მიმდინარე წლის 15სექტემბერს, საერთაშორისო ინვესტორთა ასოციაციას ეწვია თურქეთის ქალაქ ურფას სავაჭრო და სამრეწველო პალატის დელეგაცია. სტუმრებს შეხვდა ასოციაციის თავმჯდომარის მოადგილე ბატონი ჯეზმი აქშაჰინი და ასოციაციის გენერალური მდივანი ბატონი ოსმან ჩალიშქან. ურფას სავაჭრო და სამრეწველო პალატის წევრ ბიზნესმენთა დაინტერესების სფეროებია:სასათბურე მეურნეობა, სარწყავი სისტემების, საკვები პროდუქტების, მოსავლის ასაღები მოწყობილობების, ხორბლის, ვეტერინარული ვაქცინებისდა ბიოლოგიური ნივთიერებების, სამკურნალო პროდუქციისა და  ფაიფურის წარმოება. ასოციაციაში შეხვედრის შემდგომ ურფას სავაჭრო პალატის წარმომადგენლები შეხვდნენ აჭარის სოფლის მეურნეობის მინისტრს ქალბატონ დონარა სურმანიძეს, ასევე მოინახულეს კომპანია Icon Group-ის სასათბურე მეურნეობა.

გთხოვთ იხილოთ დაიჯესტი No 84

2011 წლის 13 სექტემბერს, სსია-ს ესტუმრა გაზეთ „HABERCI”-ს ჟურნალისტები. გაზეთი „HABERCI” პირველი თურქულ-ქართულენოვანი გაზეთია მთელს შავზღვისპირეთში. შეხვედრისას მხარეებმა განიხილეს სამომავლო ერთობლივი პროექტები.

მიმდინარე წლის 11 სექტემბერს 11 საათზე ქობულეთის რაიონის სოფელ დაგვაში,მდინარე ლეხვას მიმდებარე ტერიტორიაზე გაიმართა მცირე ჰესის ექსპლატაციაში გაშვება.ამ ღონისძიების ორგანიზატორია კომპანია Ajara Textile და მასში მონაწილეობა მიიღეს აჭარის ავტონომიური რეპუბლიკის მთავრობის წარმომადგენლებმა, „აჭარა ტექსტილის“ პარტნიორმა ბიზნესმენებმა მალაიზიიდან და სინგაპურიდან და კერძო სექტორის ხელმძღვანელმა პირებმა. გასულ წელს კომპანია Ajara Textile-მა შეიძინა ობიექტი და მოხდა მისი რეკონსტრუქცია. კომპანიამ დენის წყაროს მისაღებად ობიექტზე დაამონტაჟა ახალი გენერატორი და ეს თანამედროვე ტექნიკური მოწყობილობა საშუალებას იძლევა, ჰესმა 100 კილოვატი ელექტროენერგია გამოიმუშავოს საათში. დასაქმებულია 4 ადამიანი. მსოფლიოში დაახლოებით 150 პუმას ფაბრიკაა, აქედან მხოლოდ კომპანია „აჭარა ტექსტილს“ აქვს საკუთარი ჰიდრო ელექტრო სადგური. ღონისძიებაზე მისასალმებელი სიტყვით გამოვიდა კომპანია Ajara Textile-ს მესაკუთრე,თურქი ინვესტორი ჯემალ ბილგინგულლუოღლუ. მისი განცხადებით, ”საქართველოში ენერეგეტიკის სექტორი სტაბილურად და წარმატებით ვითარდება და ამ სექტორში დიდი პოტენციალი არსებობს, თქვენი ქვეყანა მდიდარია მცრე და დიდი ზომის მდინარეებით და ამდენად ჰიდრო რესურსების გამოყენება და მცირე ჰესების მშენებლობა საქართველოს ეკონომიკას და კერძო სექტორს მნიშვნელოვან მოგებას მოუტანს. მდინარე ლეხვაზე ჰესის ექსპლუტაციაში გაშვება ნიშნავს, რომ აჭარის რეგიონში, კერძოდ ქობულეთში სამრეწველო საწარმოები და ადგილობრივი მოსახლეობა დამატებით 100 კილოვატ ენერგიას მიიღებს საათში და მათი ენერგოუსფრთხოება უზრუნვეყოფილი იქნება.”

მიმდინარე წლის 12 სექტემბერს საერთაშორისო ინვესტორთა ასოციაციას ეწვივნენ სინგაპურელი ბიზნესმენები, რომლებიც დაინტერესებულნი არიან სამომავლოდ აჭარის რეგიონში საინვესტიციო პროექტების განხორციელებით. სტუმრებს ჩაუტარდათ სსია-ს პრეზენტაცია, გაეცნენ ასოციაციის სტრუატურას და მიიღეს ინფორმაცია ასოციაციის წევრი კომპანიების საქმიანობის შესახებ.

მიმდინარე წლის 8 სექტემბერს, 11 საათზე, საერთაშორისო ინვესტორთა ასოციაციაში ავსტრიულმა კომპანიამ „მალოჯერმა“ გამართა პრეზენტაცია თავისი საქმიანობის შესახებ. ღონისძიებას ესწრებოდნენ ადგილობრივი და უცხოური კომპანიების, აჭარის ავტონომიური რესპუბლიკის მთავრობისა და პროფილური სამინისტროების წარმომადგენლები, ასევე საერთაშორისო ინვესტორთა ასოციაციის წევრი კომპანიების წარმომადგენლები. კომპანია “მალოჯერის” ინტერესთა სფეროს საავადმყოფოების, ჰიდროელექტროსადგურების, ტურისტული ბაზების და ელიტური საცხოვრებელი სახლების დაპროექტება-მშენებლობა წარმოადგენს. „მალოჯერი” აპირებს მიიღოს მონაწილეობა ბორჯომის დასასვენებელი კომპლექსის მშენებლობაში, ასევე სამომავლოდ გეგმავს მონაწილეობა მიიღოს აჭარის რეგიონის სამშებებლო პროექტებში.