საქართველოში მყოფი ლატვიელი ბიზნესმენები საერთაშორისო ინვესტორთა ასოციაციას ესტუმრნენ. ლატვიის ინვესტორთა სააგენტოს წარმომადგენელი, ნარჩენების გადამუშავების, მეთევზეობისა და მშენებლობის სფეროს წარმომადგენლები აჭარის რეგიონის საინვეტიციო გარემოს გაეცნენ და კონკრეტული ბიზნეს წინადადებები წამოაყენეს, რომლებიც მომავალში დამუშავდება.

საქართველოს საერთაშორისო ინვესტორთა ასოციაცია მასპინძლობდა 30 კაციან სტუდენტთა ჯგუფს გერმანიიდან, რომელთა შორის იყვენენ ეკონომიკისა და გეოლოგიის ფაკულტეტის სტუდენტები. გერმანელებმა დაათვალიერეს აჭარის ღირსშესანიშნაობები და გაეცნენ ქ. ბათუმის განვითარებისა და მოდერნიზაციის გეგმას. სტუმრებმა მოინახულეს ბათუმის სამკერვალო ფაბრიკა “ბათუმიტექსი”. აჭარის რეგიონში ორი დღიანი ვიზიტის დასრულების შემდეგ გერმანელთა ჯგუფი სამშობლოში გაემგზავრა.

საქართველოს საერთაშორისო ინვესტორთა ასოციაცია მონაწილეობდა შეხვედრაზე, რომელიც გაიმართა მიმდინარე წლის 11 ოქტომბერს სარფის საბაჟოზე. შეხვედრაზე აჭარის ა/რ მთავრობის თავმჯდომარე ბ-ნ ლევან ვარშალომიძე, აჭარის საბაჟოს და საპატრულო სამსახურების ხელმძღვანელობა მონაწილეობდა, ხოლო თურქეთის მხრიდან ართვინის გუბერნატორი მუსტაფა იემლიჰალიოღლუ, თურქეთის სავაჭრო ატაშე ვოლკან ბერკერი, ხოფისა და არხავის გამგებლები და თურქეთის სარფის საბაჟოს უფლებამოსილი პირები. სარფის საბაჟოზე მიმდინარე სამშენებლო სამუშაოებისა და ქობულეთის გზის სარეაბილიტაციო სამუშაოების გამო გარკვეული დაბრკოლებები შეექმნათ გადამზიდველებს, რამაც ტრაიელერების დიდი რიგები გამოიწვია სარფის თურქეთის მხარეს. პრობლემების მოგვარება ორივე მხარისათვის მნიშვნელოვანია, რამდენადაც იგი ხელს უშლის გადამზიდველებს, მძღოლებს უხდებათ რიგში დგომა, ხოლო საქართველოს მხარეს ფირმებს უგვიანდებათ დაკვეთების დროულად მიღება. პრობლემის დროულად გადაწყვეტისათვის ადგილზე დაისახა გზები და რამოდენიმე დღეში საზღვარზე რიგები აღარ იქნება. ტრაიელერები ადრე არსებული ტემპით იქნება საქართველოს მხარის მიერ მიღებული და გზების რეაბილიტაციის მიმდინარეობის საათებში ისინი გაჩერდებიან ბათუმსა და ქობულეთში სპეციალურად გამოყოფილ ადგილებში, ხოლო თავისუფალ საათებში გზას ჩვეულებრივად გააგრძელებენ.

გთხოვთ იხილოთ დაიჯესტი No 38...

ელექტროობისა და მექანიკის კომპანია “ჩაღლამ” ბათუმში თავისი შვილობილი კომპანია დაარსა. აღნიშნული ფირმა ელექტროობის დარგში მსოფლიო სტანდარტების დონისაა. მას მრავალ ქვეყანაში განხორციელებული აქვს უმნიშვნელოვანესი პროექტები: სასტუმროები, საცხოვრებელი სახლები, გარე განათებები, სავაჭრო ცენტრები, ბანკის შენობები, განათლების დაწესებულებები, ქარხნები, საავადმყოფოები და ჯანდაცვის ცენტრები. პროექტებს ფირმა ფრანგულ პარტნიორთან ერთად ახორციელებს. ისინი ქმნიან ისეთ სისტემებს, როდესაც ქალაქის მთელი განათება ერთი პუნქტიდან იმართება და რეგულირდება. მათი საქმიანობიდან ეიფელის კოშკის განათება, ბრანდერბურგის ჭიშკარი, მექსიკის პარლამენტის შენობა, ყაზახეთის პრეზიდენტის რეზიდენცია შეიძლება კმაროდეს.

კომპანია გეგმავს საქართველოში ადგილობრივი კადრების აღზრდას და თანამედროვე სისტემებით მომუშავე მძლავრი ელექტრო კომპანიის შექმნას, რაც ამ დარგში დღეს არსებულ ხარვეზს აღმოფხვრის.

კომპანიამ უკვე ბათუმის განათების, პარკირებისა და სხვა კონკრეტული პროექტების დამუშავება დაიწყო. ოქტომბრის თვის ბოლოს იგეგმება ფრანგულ-თურქული ერთობლივი პრეზენტაციის მოწყობა ქ. ბათუმში.

კომპანიასთან მოლაპარაკებებს აწარნმოებდა საქართველოს საერთაშორისო ინვესტორთა ასოციაცია და მათი დაინტერესება საქართველოში ინვესტიციების განხორციელების კუთხით ასოციაციის ერთ-ერთი წარმატებული მაგალითია.

მიმდინარე წლის 28 სექტემბერს ქ. თბილისში სასტუმრო რადისონ-ივერიაში ჩატარდა  ქართულ-გერმანული ბიზნესს ფორუმი, რომელსაც ორგანიზებას უწევდა გერმანიის განვითარებისა და ტექნოლოგიების ფედერალური სამინისტროს თანადგომით გერმანელ ბიზნესმენთა ასოციაცია და გერმანიის საელჩო. საერთაშორისო ინვესტორთა ასოციაციამ ფორუმზე ორმხრივი შეხვედრები გამართა გერმანელ კომპანიებთან გაცნობისა და ორმხრივი კავშირების დამყარების მიზნით. ამ ჩარჩოში გაიმართა შეხვედრა გერმანიის ვაჭრობისა და ინვესტიციების კომპანიასთან GTAI-სთან (Germany Trade and Invest GmbH). აღნიშნული კომპანია შეიქმნა 2004 წლის 1 იანვარს, რომელიც არის გერმანიის ახალი საერთაშორისო ვაჭრობისა და  შიდა ინვესტიციების სააგენტო. მისი მისიაა ხელი შეუწყოს გერმანიაში ტექნოლოგიურ და სამრეწველო ინვესტიციების მოზიდვას. ორგანიზაცია უცხოურ კომპანიებს ურჩევს გაზარდონ თავიანთი საქმიანობის არეალი გერმანიის ბაზარზე, გერმანული კომპანიებისათვის კი უზრუნველყოფს აუცილებელი ინფორმაციას, რათა მათ შეეძლოთ უცხოური ბაზრის უკეთ ათვისება. გერმანიის სავაჭრო და საინვესტიციო სააგენტოს შეუძლია მიაწოდოს ყოვლისმომცველი და მომხმარებელზე ორიენტირებული ეკონომიკური და სამრეწველო მონაცემები, ასევე უცხოური ბიზნესს წინადადებები, განვითარებისა და საინვესტიციო პროექტები, საკანონმდებლო და საბაჟო დებულებები.

მსოფლიო ბანკის ჯგუფის წევრი საერთაშორისო საფინანსო კორპორაცია (IFC) ატარებს სემინარებს შემდეგ საკითხებზე:

სურსათის უვნებლობის საკითხები; HACCP სისტემის უპირატესობები - ხუთშაბათს, 30 სექტებერს (დასაწყისი 10:00 საათზე – ხანგრძლივობა 3 საათი). სემინარში მონაწილეობას მიიღებს აჭარის ავტონომიური რესპუბლიკის სოფლის მეურნეობის სამინისტრო და სურსათის უვნებლობის სამსახური.

კორპორაციული მართვა საქართველოს კომპანიებისთვის – პარასკევს, 1 ოქტომბერს (დასაწყისი 10:00 საათზე – ხანგრძლივობა 3 საათი).

მონაწილეობა ორივე სემინარში უფასოა. სემინარები გაიმართება სასტუმრო შერატონში (მეორე სართული).

ამა წლის 22 სექტემბერს საერთაშორისო ინვესტორთა ასოციაციას სტუმრობდა უკრაინელი ინვესტორები ხერსონის რეგიონიდან, რომელნიც  7 კაციანი დელეგაციით თავიანთი პროგრამის ფარგლებში ეწვივნენ ბათუმს და მართავდნენ შეხვედრებს უფლებამოსილ პირებთან. შეხვედრაზე ინვესტორები გაეცნენ ასოციაციის საქმიანობას, გაესაუბრნენ ასოციაციის წევრებს და წარმოადგინეს მათი ბიზნეს წინადადებები, რომლის განხორციელებასაც ისინი გეგმავენ ბათუმში მომავალში. ბიზნესმენება აღნიშნეს, რომ 5 ოქტომბერს ხერსონში იმართება ბიზნეს ფორუმი, სადაც მიიწვიეს აჭარის ა/რ მთვარობისა და მერიის წარმომადგენლები, საერთაშორისო ინვესტორთა ასოციაცია და მისი წევრები.

მიმდინარე წლის 14-დან 25 სექტემბრამდე საქართველოში იმყოფება 25 კაციანი დელეგაცია გერმანიიდან, რომლის შემადგენლობაში შედიან ცენტრალური და რეგიონალური ტელევიზიების, რადიოსა და პრესის 17 ჟურნალისტი, ოთხი გერმანელი სხვადასხვა ფონდის წარმომადგენელი და გერმანიის ეკონომიკის სამინისტროს წარმომადგენლები. ვიზიტის ფარგლებში ვიზიტორები ეცნობიან საქართველოს პოლიტიკურ, კულტურულ და ეკონომიკურ მდგომარეობას, რომელსაც შემდეგ გააცნობენ გერმანიის მოქალაქეებს. 20-21 სექტემბერს დელეგაცია იმყოფებოდა აჭარაში ქ. ბათუმში. მათ მეგზურობასა და ორგანიზაციულ საკითხებში დახმარებას უწევდა საერთაშორისო ინვესტორთა ასოციაცია. ჟურნალისტები გაეცნენ BTM-ის სამკერვალო ფაბრიკას, დაათვალიერეს ბათუმის ღირსშესანიშნაობები და კატერით გაისეირნეს ბათუმის ზღვის აკვატორიაში. საქართველოში არსებული პროცესების გაცნობის, ქვეყნის იმიჯის ამაღლებისა და მისი საზღვარგარეთ წარმოჩენის თვალსაზრისით მსგავსი ვიზიტები ძალზედ მნიშვნელოვანია ქვეყნისათვის.

დაიწყო განაცხადების მიღება იურიდიული და ფიზიკური პირებისაგან ქობულეთის "თავისუფალი ტურისტული ზონის" განვითარების მიზნით (ე.წ "ფიჭვნარის” ტერიტორია, ზღვიდან 140 მ-ის დაშორებით), სასტუმროების მშენებლობის საკითხთან დაკავშირებით. გამოყოფილია მიწის 3 ნაკვეთი (საერთო ფართით 11,3 ჰა), რომლებზედაც დაგეგმილია 27 სასტუმრო კორპუსის მშენებლობა. განსაზღვრულია სასტუმრო კორპუსების 3 ტიპი. მშენებლობის განხორციელების მსურველს შეუძლია ამათგან გააკეთოს არჩევანი. განსაზღვრულია სასტუმრო კორპუსების სართულიანობაც: 5, 6 ან 7 სართული (42, 52 ან 60 ნომერი). (იხილეთ დანართი) საპროექტო-სამშენებლო დოკუმენტაციის სრული პაკეტი მზად იქნება მ/წლის 24 სექტემბრისთვის.  დამკვეთის სურვილის შესაბამისად შესაძლებელია პროექტში გარკვეული ცვლილებების შეტანა. აღსანიშნავია, რომ: - სამშენებლო მიწის ნაკვეთის განკარგვა განხორციელდება სიმბოლურ ფასად; - დამტკიცებული საპროექტო-სამშენებლო დოკუმენტაცია დამკვეთს გადაეცემა უსასყიდლოდ; - ტერიტორია უზრუნველყოფილი იქნება საინჟინრო-კომუნალური ქსელებით და სათანადო ინფრასტრუქტურით. იმ შემთხვევაში, თუ მშენებლობა დამთავრდება და ობიექტი ექსპლუატაციაში შევა 2011 წლის 1 აგვისტომდე, ინვესტორი გათავისუფლებული იქნება 15 წლით მოგებისა და ქონების გადასახადებისაგან. განაცხადები მიიღება მ/წლის 30 ოქტომბრამდე. დაწვრილებითი ცნობებისათვის შეგიძლიათ მიმართოთ: სამინისტროს ურბანიზაციის და მშენებლობის დეპარტამენტს, საკონტაქტო ტელეფონები:  99 10 45; 99 10 46; 99 11 13; აჭარის ავტონომიური რესპუბლიკის ფინანსთა და ეკონომიკის სამინისტროს ქალაქმშენებლობის დეპარტამენტს, საკონტაქტო ტელეფონი: 8(88222) 4-79-18; საინფორმაციო სამსახურს, საკონტაქტო ტელეფონები:  8(88222) 4-79-38; 8(88222) 4-79-39; 8(88222) 4-79-40).