მიმდინარე წლის 24 ნოემბერს USAID-ის ახალი პროექტის ეკონომიკური აღმავლობის ინიციატივის თანამშრომლები, ქართველი და უცხოელი ექსპერტები ეწვივნენ საქართველოს საერთაშორისო ინვესტორთა ასოციაციას, საქართველოში სხვადასხვა ბიზნეს სექტორის შემოდგომი განვითარების პოტენციალზე ინფორმაციის მიღების მიზნით.

USAID-ის ახალი პროექტის მთავარი მიზანია ხელი შეუწყოს საქართველოში ბიზნესის კონკურენტუნარიანობის გაზრდას, ახალი სამუშაო ადგილების შექმნასა და უცხოური და ადგილობრივი ინვესტიციების მოზიდვას.

შეხვედრაზე დაიგეგმა ვიზიტი კომპანიებთან  (აჭარა ტექსტილი, ბათუმიტექსი, ბი თი ემ ტექსტილი, ჯორჯიან ტექსტილი) მათი საქმიანობის გაცნობის მიზნით.

მიმდინარე წლის 20 ნოემბერს სასტუმრო “შერატონ-ბათუმში” აჭარის ფინანსთა და ეკონომიკის სამინისტროსა და საქართველოს საერთაშორისო ინვესტორთა ასოციაციის ორგანიზებით გაიმართა შეხვედრა საქართველოს ფინანსთა მინისტრ ბატონ კახა ბაინდურაშვილთან.

შეხვედრას ესწრებოდნენ აჭარის ფინანსთა და ეკონომიკის მინისტრი ბატონი ვაჟა ბოლქვაძე, აჭარის ფინანსთა და ეკონომიკის მინისტრის მოადგილე ბატონი თამაზ შავაძე, საქართველოს საერთაშორისო ინვესტორთა ასოციაციის წევრი კომპანიების წარმომადგენლები, აჭარის სავაჭრო-სამრეწველო პალატის, აჭარის მშენებელთა და დეველოპერთა ასოციაციის, აჭარის ფარმაცევტთა ასოციაციის ხელმძღვანელები და ადგილობრივი მსხვილი მეწარმეები.

საქართველოს საერთაშორისო ინვესტორთა ასოციაციის წევრებთან ინტენსიური შეხვერების დროს გამოკვეთილი იქნა რიგი პრობლემატური საკითხები, რომელიც გახდა მსჯელობის საგანი აღნიშნულ შეხვედრაზე.

საქართველოს საერთაშორისო ინვესტორთა ასოციაციამ წარმოდგენილი საკითხები წერილობითი სახით მიაწოდა ბატონ კახა ბაინდურაშვილს:

1.        საბანკო გარანტიებთან დაკავშირებით;

2.       საბაჟო გაფორმებიდან გამომდინარე სპეციფიკურობასთან და მომსახურებასთან დაკავშირებით;

3.       ტვირთზე კოდების მინიჭებასთან და საჯარიმო ზომების გამოყენებასთან დაკავშირებით

4.       სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების შესახებ;

5.       ძირითად საშუალებებზე, მანქანა – დანადგარებსა და ახალი ტექნოლოგიების შემოტანისას დღგ-ს გადასახადით დაბეგვრა;

6.       საბაჟო ტერმინალებზე, რკინიგზაზე და პორტებში მომსახურების ტარიფების მუდმივი ზრდა;

7.       დავებთან დაკავშირებული საკითხები.

ფინანსთა მინისტრის მიერ განმარტებული იქნა ახალი საბაჟო-საგადასახადო კოდექსის პრიორიტეტები და დასახული იქნა აღნიშნული საკითხების მოგვარების გზები, რომლებიც გათვალისწინებული იქნება სამინისტროს შემდგომ მუშაობაში და ხელს შეუწყობს საქართველოში საინვესტიციო გარემოს გაუმჯობესებას, ახალი ინვესტიციების შემოსვლასა და კერძოდ, საქართველოში ბიზნესის კეთებისათვის ხელსაყრელი პირობების შექმნას.

გთხოვთ იხილოთ დაიჯესტი #44

გთხოვთ იხილოთ დაიჯესტი #43...

საქართველოს საერთაშორისო ინვესტორთა ასოციაციის გენერალური მდივანი – ბატონი თამაზ შავაძე დაინიშნა აჭარის ფინანსთა და ეკონომიკის მინისტრის მოადგილედ, რომელიც სამინისტროს ხაზით ეკონომიკურ საკითხებში კურირებას გაუწევს ინვესტიციებთან დაკავშირებულ საკითხებს, ლიცენზირებისა და სერთიფიცირების სამსახურს, მინისტრის აპარატსა და ადმინისტრაციულ დეპარტამენტს, აჭარაში მოქმედ ასოციაციებს, სავაჭრო პალატებსა და ბიზნეს გაერთიანებებს.

საქართველოს საერთაშორისო ინვესტორთა ასოციაციის მმართველთა საბჭო, სამეთვალყურეო საბჭო, ასოციაციაში გაწევრიანებული ორგანიზაციები და თანამშრომლები ვულოცავთ ბატონ თამაზს ესოდენ მნიშვნელოვანი თანამდებობის დაკავებასა და ვუსურვებთ წარმატებებს პირადსა და საზოგადოებრივ საქმეში.

გთხოვთ იხილოთ დაიჯესტი No 42...

მიმდინარე წლის 30 ოქტომბერს საქართველოს საერთაშორისო ინვესტორთა ასოციაციის ოფისში შედგა შეხვედრა თურქეთის რესპუბლიკის ქ. ბურსის სავაჭრო-სამრეწველო პალატის დელეგაციასთან.ასოციაციის თავმჯდომარის მოადგილემ ჯეზმი აკშაჰინმა და გენერალურმა მდივანმა თამაზ შავაძემ სტუმრებს გააცნეს ასოციაციის მუშაობა, აჭარაში არსებული საინვესტიციო გარემო და მიმდინარე საინვესტიციო პროექტები. დელეგაციის ხელმძღვანელმა ჰასან ბაიდინმა აღნიშნა, რომ ის 2004 წელს იმყოფებოდა აჭარაში და გაოცებულია მას შემდეგ განხორციელებული ცვლილებებით. “ის რომ ბათუმში არსებობს და წარმატებით ფუნქციონირებს ინვესტორთა ასოციაცია მნიშვნელოვან ფაქტორად მიმაჩნია. ინვესტორთა და ბიზნესმენთა გაერთიანებები, ერთიანი ძალისხმევით მოქმედება მნიშვნელოვანი მაჩვენებელია ბიზნესის განვითარების ახალი ეტაპისა” – აღნიშნა სტუმარმა. დელეგაცია ბათუმის მერიის მოწვევით იმყოფებოდა აჭარაში. მათ ჰქონდათ მიღება აჭარის ა/რ ფინანსთა და ეკონომიკის მინისტრთან ბ-ნ ვაჟა ბოლქვაძესთან და ქალაქის მერთან ბ-ნ რობერტ ჩხაიძესთან. ბურსის სავაჭრო-სამრეწველო პალატის წევრების დაინტერესება გამოიწვია ენერგო სექტორის პოტენციალმა, მშენებლობის დარგმა და სავაჭრო ცენტრების მშენებლობის პერსპექტივებმა. ბურსის სავაჭრო სამრეწველო პალატა 1889 წელს შეიქმნა და მას მუშაობის საუკუნოვანი გამოცდილება აქვს. პალატაში გაერთიანებულია რამოდენიმე ათასი ბიზნესმენი, რომლებიც თურქეთის ეკონომიკურად ერთ-ერთ ყველაზე განვითარებულ რეგიონს წარმოადგენენ.

თურქეთის რესპუბლიკის დამყარების 87-ე წლისთავთან დაკავშირებით ქ. ბათუმში გენერალურმა კონსულმა თუღრულ ერჯან ოზთენმა სასტუმრო “შერატონ ბათუმში” ოფიციალური მიღება გამართა. წვეულებას ესწრებოდნენ ხელისუფლების უმაღლესი რანგისწარმომადგენლები, ინვესტორთა ასოციაციის წევრები და საზოგადოების ცნობილი მოღვაწეები. საქართველოს საერთაშორისო ინვესტორთა ასოციაცია ულოცავს თურქეთის მოქალაქეებს რეპუბლიკის დამყარების დღესასწაულს და გამოთქვამს ღრმა რწმენას, რომ მომავალში ორ კეთილ მეზობელ ქვეყანას საქართველოსა და თურქეთს შორის კიდევ უფრო გამყარდება და გაძლიერდება კულტურული და სტრატეგიული ურთიერთობები.

მიმდინარე წლის 29 ოქტომბერს ბათუმს სტუმრობდა თურქეთის რესპუბლიკის ტრანსპორტის მინისტრი ბინალი ილდირიმი. მას აეროპორტში დახვდა აჭარის ა/რ მთავრობის თავმჯდომარე ლევან ვარშალომიძე, ართვინის გუბერნატორი, თურქეთის გენერალური კონსული და სხვა ოფიციალური პირები. ტრანსპორტის მინისტრთან მოლაპარაკების დროს დაისვა საკითხი ბათუმი-ანკარის მიმართულებით თვითფრინავის რეისების დაწყებასთან დაკავშირებით. მისი განხორციელება მნიშვნელოვანია, როგორც ქართული მხარისათვის ასევე ართვინის გუბერნიის მოსახლეობისათვის, რომლებიც ბათუმის აეროპორთით შიდა რეისების რეჟიმით სარგებლობენ. თურქეთის ტრანსპორტის მინისტრი სარფის კარით გადავიდა ხოფაში და დაესწრო ხოფა-ბორჩხის გვირაბის მშენებლობის დაწყების ცერემონიალს.

გთხოვთ იხილოთ დაიჯესტი No 41...