გთხოვთ იხილოთ დაიჯესტი #54

2011 წლის 3 თებერვალს საქართველოს საერთაშორისო ინვესტორთა ასოციაციაში აჭარის მთავრობის თავჯდომარე ბატონი ლევან ვარშალომიძე და აჭარის არ ფინანსთა და ეკონომიკის მინისტრი ბატონი ვაჟა ბოლქვაძე შეხვდა ინვესტორებს. შეხვედრაზე განხილული იქნა ასოციაციის წევრი კომპანიების  და სხვა ადგილობრივი კომპანიებისა და ორგანიზციების ის  პრობლემატური საკითხები, რომლებსაც ისინი აწყდებიან თავიანთი საქმიანობის დროს. შეხვედრის ბოლოს მთავრობის თავჯდომარემ გამოთქვა  მსგავსი შეხვედრების ყოველთვიურად ჩატარების სურვილი რათა დროულად მოხდეს აღნიშნული  საკითხების შესწავლა და მოგვარება.

შეხვედრაზე განხილულ პრობლემატურ საკითხთა ჩამონათვალი:

ბიზნეს ომბუდსმენის ახლადშექმნილი თანამდებობა გიორგი პერტაიამ დაიკავა. გიორგი პერტაია მაისიდან პრემიერ–მინისტრის მთავარი მრჩეველი იყო კერძო სექტორის ხელშეწყობის საკითხებში. მან დასავლეთ ილინოისის უნივერსიტეტის ბიზნეს-სკოლა დაამთავრა და მაგისტრის ხარისხი მიიღო. რამოდენიმე წლის წინ იგი მუშაობდა ამერიკის სავაჭრო პალატის ვაჭრობისა და ტრანსპორტის კომიტეტის თავმჯდომარედ და მისი მთავარი ფუნქცია ბიზნესის ინტერესების დაცვა იყო. საგადასახადო ომბუდსმენის ინსტიტუტის შემოღებას იანვრიდან ამოქმედებული ახალი საგადასახადო კოდექსი ითვალისწინებს. ბიზნესმენების უფლებათა დამცველი, რომელსაც კანონის თანახმად პრემიერ–მინისტრი ნიშნავს, ანგარიშვალდებულია პარლამენტის წინაშეც, რადგან ის საფინანსო-საბიუჯეტო კომიტეტს წელიწადში ერთხელ წარუდგენს ანგარიშს გადასახადის გადამხდელთა უფლებების დაცვის მდგომარეობის შესახებ.

გთხოვთ იხილოთ დაიჯესტი #53

2011 წლის 27 იანვარს საქართველოს საერთაშორისო ინვესტორთა ასოციაციაში ვიზიტით იმყოფებოდნენ USAID–ის ახალი პროექტის ეკონომიკური აღმავლობის ინიციატივის წარმომადგენელი საქართველოში ბატონი ზვიად ქვლივიძე და კერძო სექტორის განვითარების ექსპერტი ბატონი კარლტონ ჯონსი. მათი ვიზიტის მიზანი იყო ასოციაციის წევრი კომპანიების  განვითარების პოტენციალზე ინფორმაციის მიღება. USAID–ის ახალი პროექტის მთავარი მიზანია ხელი შეუწყოს საქართველოში ბიზნეს კონკურენტუნარიანობის გაზრდას, ახალი სამუშაო ადგილების შექმნას და უცხოური და ადგილობრივი ინვესტიციების მოზიდვას. სტუმრებმა, ასოციაციის გენერალური მდივნის იასონ ცერცვაძის თანხლებით  მოინახულეს ასოციაციის წევრი კომპანიები („Ajara Textile”,”BTM Textile”,”Batumi Tex”, “Georgian Kar-sa”). ვიზიტის დროს განხილულ იქნა პრობლემატური საკითხები, რომლებსაც აღნიშნული კომპანიები ხშირად აწყდებიან თავიანთი საქმიანობის დროს. ვიზიტის ბოლოს სტუმრებმა გამოთქვეს ასოციაციასთან თანამშრომლობის გაღრმავების სურვილი ასოციაციის წევრი კომპანიების შემდგომი განვითარებისათვის.

2011 წლის 18 იანვრის აჭარის ავტონომიური რესპუბლიკის მთავრობის სხდომაზე დამტკიცებულ იქნა აჭარის ავტონომიური რესპუბლიკის რეგიონული განვითარების სტრატეგია. აღნიშნული დოკუმენტი მომზადებულ იქნა აჭარის ავტონომიური რესპუბლიკის მთავრობის 2009 წლის 25 დეკემბრის №107 განკარგულების საფუძველზე აჭარის ავტონომიური რესპუბლიკის ფინანსთა და ეკონომიკის სამინისტროს ეკონომიკური პოლიტიკის დეპარტამენტის მიერ. სტრატეგიის მომზადების პროცესში ასევე ჩართული იყო ყველა სამინისტრო, ადგილობრივი თვითმმართველი ორგანოები და სხვადასხვა სამთავრობო დაწესებულებები.
სტრატეგიის დოკუმენტი შეეხება აჭარის ავტონომიური რესპუბლიკის ეკონომიკის თითქმის ყველა დარგს. ყოველი თავი წარმოდგენილია სამი ნაწილით:

1) არსებული მდგომარეობის აღწერა, 2) სვოთ ანალიზი (ძლიერი და სუსტი მხარეები, შესაძლებლობები და საფრთხეები) და 3) სტრატეგიული მიმართულებები.
სტრატეგიის მომზადების დროს გათვალისწინებული იყო შემდეგი ძირითადი მიზნები:
1. აჭარაში სიღარიბის დაძლევა და მოსახლეობის კეთილდღეობისათვის ყველა საჭირო პირობის უზრუნველყოფა;
2. აჭარის ადამიანური რესურსების კონკურენტუნარიანობის ზრდა;
3. აჭარაში ეკონომიკური და ინოვაციური აქტიურობის ზრდა;
4. აჭარის ეკონომიკის მაქსიმალური კონკურენტუნარიანობისა და სტაბილურობის მიღწევა;
5. აჭარის კულტურული და ეკოლოგიური გარემოს შენარჩუნება და გაუმჯობესება მომავალი თაობებისათვის;
6. აჭარის ბუნებრივი რესურსების ეფექტური მართვა;
7. აჭარაში სივრცითი წესრიგის ჩამოყალიბება და შენარჩუნება;
8. აჭარის საქართველოს ეკონომიკაში და მსოფლიო ეკონომიკურ სივრცეში ინტეგრაციის გაღრმავება, საერთაშორისო ეკონომიკური ურთიერთობების განვითარება.
სტრატეგიის დოკუმენტით განისაზღვრა მომავალი ხუთი წლის აჭარის ავტონომიური რესპუბლიკის რეგიონული განვითარების პრიორიტეტები:
1. აჭარის ეკონომიკური უსაფრთხოების გაძლიერება;
2. აჭარის როგორც უმაღლესი კლასის ტურისტული დანიშნულების ადგილის განვითარება;
3. აჭარის მეტროპოლიტანური ზონების (ბათუმისა და ქობულეთის) განვითარება.

პრემიერ–მინისტრი ნიკა გილაური საგადასახადო ომბუდსმენის ვინაობას, სავარაუდოდ, კვირის ბოლოს გამოაცხადებს, განაცხადა მისმა პრესსპიკერმა ნიკო მჭედლიშვილმა 26 იანვარს. მისი ინფორმაციით, ამ პოსტზე სავარაუდო კანდიდატებს პრემიერი ოთხი ბიზნეს–ასოციაციის წარმომადგენლებთან 26 იანვარს საღამოს დაგეგმილ შეხვედრაზე განიხილავს. შესაძლო კანდიდატებს შორის არიან პრემიერ–მინისტრის მრჩეველი ბიზნეს–ინტერესების დაცვის საკითხებში გიორგი პერტაია; სავაჭრო–სამრეწველო პალატის ხელმძღვანელი ჯემალ ინაიშვილი და რკინიგზის დეპარტამენტის ხელმძღვანელი ირაკლი ეზუგბაია. საგადასახადო ომბუდსმენის ინსტიტუტის შემოღებას იანვრიდან ამოქმედებული ახალი საგადასახადო კოდექსი ითვალისწინებს. ბიზნესმენების უფლებათა დამცველს, კანონის თანახმად, პრემიერ-მინისტრი პარლამენტის თავმჯდომარესთან შეთანხმებით ნიშნავს. საგადასახადო ომბუდსმენი ანგარიშვალდებულია პარლამენტის წინაშე, რადგან ის საფინანსო-საბიუჯეტო კომიტეტს წელიწადში ერთხელ წარუდგენს ანგარიშს გადასახადის გადამხდელთა უფლებების დაცვის მდგომარეობის შესახებ.

გთხოვთ იხილოთ დაიჯესტი # 52

გთხოვთ იხილოთ დაიჯესტი # 51

2011 წლის 14 იანვარს 14:00 საათზე საქართველოს საერთაშორისო ინვესტორთა ასოციაციის საკონფერენციო დარბაზში აჭარის არ სავაჭრო სამრეწველო პალატასთან არესებულმა საერთაშორისო არბიტრაჟმა გამართა პრეზენტაცია თავისი საქმიანობის შესახებ. პრეზენტაციას ესწრებოდა ასოციაციის წევრი კომპანიებისა და ადგილობრივი ორგანიზაციების წარმომადგენლები.