მიმდინარე წლის  28 ოქტომბერს 17.00 საათზე ასოციაციის ოფისში ჩატარდება მმართვეთა საბჭოს სხდომა, მისამართზე ქ. ბათუმი, გოგებაშვილის ქ. No. 60, ასოციაციის ოფისი. ასოციაცია მიმართავს თხოვნით წევრებს მიაწოდონ საკითხები, რომელთა განხილვაც და დღის წესრიგში ჩასმა მიაჩნიათ მიზანშეწონილად. დღის წესრიგი

1.       გაწეული მუშაობის შესახებ ანგარიში;

2.       მთავრობის შესაბამის ორგანოების წინაშე ინვესტორების მიერ დასმულ საკითხთა ირგვლივ მიმდინარე მუშაობა;

3.       საქართველოს პარლამენტის ეკონომიკური რეფორმების კომიტეტის სამუშაო ჯგუფში მონაწილეობი მისაღებად წევრების დანიშვნა;

4.       ახალი კანდიდატების წევრად მიღება;

5.       მმართველთა საბჭოში ცვლილებების განხორციელება;

6.       ნოემბრის თვეში საერთო კრების მოწვევა;

7.       საერთაშორისო მიგრაციის ფონდის აჭარის შრომითი ძალების კვლევის ფილიალთან გაფორმებული თანამშრომლობის მემორანდუმი;

სხვადასხვა საკითხები

საქართველოს საერთაშორისო ინვესტორთა ასოციაციის ოფისში გაიმართა შეხვედრა თურქ ინვესტორებთან, რომელთაც აჭარაში სამკერვალო ფაბრიკის გახსნა სურთ. აჭარის ფინანსთა და ეკონომიკის მინისტრთან ვაჟა ბოლქვაძესთან შეხვედრის შემდეგ ინვესტორებმა ასოციაციის ოფისში ტექსტილის პრეზენტაციას გაეცნენ და მისი განვითარების ტენდეციები შეისწავლეს. ინვესტორ იაშარ აიდინის განცხადებით აჭარაში ტექსტილის დარგის მიმართ არსებული საინვესტიციო გარემო მიმზიდველია მათთვის და უახლოეს მომავალში დაიწყებენ ინვესტიციების განხორციელებას, სადაც სამასამდე ადამიანი დასაქმდება. ფაბრიკა მამაკაცის პერანგებს გამოუშვებს და გასაღების ბაზარი თურქეთი იქნება. ინვესტორებმა მოინახულეს ბობოყვათისა და ხელვაჩაურის ტექსტილის ფაბრიკები. ფირმა COBALT-I, რომელსაც წარმოადგენენ ინვესტორები, სტამბულში ფუნქციონირებს. ის ძირითადად მამაკაცის პერანგებს, ჰალსტუხებს და შარფებს უშვებს. გააჩნიათ 40-მდე საკუთარი მაღაზია. ინვესტიციებისთვის ინვესტორებმა ჩაქვის, სოფ. ჩელტისა და ხელვაჩაურის ინდუსტრიული ზონის ტერიტორიები შეარჩია. უახლოეს მომავალში კვლავ გაიმართება მოლაპარაკება კონკრეტული გეგმის მიხედვით.

გთხოვთ იხილოთ დაიჯესტი No 40...

ქ. ბათუმში სასტუმრო “შერატონ"-ში ქ.ბათუმის მერიის, აჭარის განათლების, კულტურის და სპორტის სამინისტროს, სასტუმრო შერატონ"-ის, თურქეთის საკონსულოსა (კომერციული ატაშეს) და საქართველოს საერთაშორისო ინვესტორთა ასოციაციის მხარდაჭერით, 2010 წლის 26, 27, 28 ნოემბერს გაიმართება შავი ზღვის აუზის ქვეყნების (საქართველო, თურქეთი, უკრაინა და სხვა ქვეყნების), საამშენებლო კომპანიებისა და სხვა ბრენდების გამოფენა "ADJARA FASHION PROJECT-2010" და "ADJARA BRANDS-2010".

მონაწილეთა რეგისტრაცია იწარმოებს 2010 წლის 5 ნოემბრამდე. პროექტში მონაწილეობის მსურველებს შეულიათ გაუგზავნონ პროექტის ორგანიზატორებს კომპანიის ლოგო, რომელიც საჭიროა გამოფენის სარეკლამო ბუკლეტებისა და ბანერებისათვის, ასევე სარეკლამო გამოფენაზე განსათავსებელი სარეკლამო მასალები, კომპანიის რეკვიზიტები შემდეგ მისამართზე: This e-mail address is being protected from spambots. You need JavaScript enabled to view it ; სურვილის შემთხვევაში პროექტის ორგანიზატორებს შეუძლიათ თავად დაუმზადონ მონაწილეს სხვადასხვა სარეკლამო საშუალებები შესაბამისი თანხის გადახდის შემდეგ.

დამატებით, გამოფენის ვებ გვერდზე( www.adjarabrands.ge) განთავსდება მონაწილე კომპანიის ვებ გვერდის მისამართი. ეს ყველაფერი შედის პაკეტის ღირებულებაში.

დამატებითი ინფორმაციისათვის შესაძლებელია მიმართოთ

mob. (995 55)658289; (995 99)680800

E-mail: This e-mail address is being protected from spambots. You need JavaScript enabled to view it ;  This e-mail address is being protected from spambots. You need JavaScript enabled to view it

WEB :www.adjarabrands.ge; www.sheraton.com/batumi

შერატონ აჭარა 750...

შერატონ აჭარა 950...

განაცხადი 750...

განაცხადი 950...

ხელშეკრულება...

გთხოვთ იხილოთ დაიჯესტი #39...

საქართველოში მყოფი ლატვიელი ბიზნესმენები საერთაშორისო ინვესტორთა ასოციაციას ესტუმრნენ. ლატვიის ინვესტორთა სააგენტოს წარმომადგენელი, ნარჩენების გადამუშავების, მეთევზეობისა და მშენებლობის სფეროს წარმომადგენლები აჭარის რეგიონის საინვეტიციო გარემოს გაეცნენ და კონკრეტული ბიზნეს წინადადებები წამოაყენეს, რომლებიც მომავალში დამუშავდება.

საქართველოს საერთაშორისო ინვესტორთა ასოციაცია მასპინძლობდა 30 კაციან სტუდენტთა ჯგუფს გერმანიიდან, რომელთა შორის იყვენენ ეკონომიკისა და გეოლოგიის ფაკულტეტის სტუდენტები. გერმანელებმა დაათვალიერეს აჭარის ღირსშესანიშნაობები და გაეცნენ ქ. ბათუმის განვითარებისა და მოდერნიზაციის გეგმას. სტუმრებმა მოინახულეს ბათუმის სამკერვალო ფაბრიკა “ბათუმიტექსი”. აჭარის რეგიონში ორი დღიანი ვიზიტის დასრულების შემდეგ გერმანელთა ჯგუფი სამშობლოში გაემგზავრა.

საქართველოს საერთაშორისო ინვესტორთა ასოციაცია მონაწილეობდა შეხვედრაზე, რომელიც გაიმართა მიმდინარე წლის 11 ოქტომბერს სარფის საბაჟოზე. შეხვედრაზე აჭარის ა/რ მთავრობის თავმჯდომარე ბ-ნ ლევან ვარშალომიძე, აჭარის საბაჟოს და საპატრულო სამსახურების ხელმძღვანელობა მონაწილეობდა, ხოლო თურქეთის მხრიდან ართვინის გუბერნატორი მუსტაფა იემლიჰალიოღლუ, თურქეთის სავაჭრო ატაშე ვოლკან ბერკერი, ხოფისა და არხავის გამგებლები და თურქეთის სარფის საბაჟოს უფლებამოსილი პირები. სარფის საბაჟოზე მიმდინარე სამშენებლო სამუშაოებისა და ქობულეთის გზის სარეაბილიტაციო სამუშაოების გამო გარკვეული დაბრკოლებები შეექმნათ გადამზიდველებს, რამაც ტრაიელერების დიდი რიგები გამოიწვია სარფის თურქეთის მხარეს. პრობლემების მოგვარება ორივე მხარისათვის მნიშვნელოვანია, რამდენადაც იგი ხელს უშლის გადამზიდველებს, მძღოლებს უხდებათ რიგში დგომა, ხოლო საქართველოს მხარეს ფირმებს უგვიანდებათ დაკვეთების დროულად მიღება. პრობლემის დროულად გადაწყვეტისათვის ადგილზე დაისახა გზები და რამოდენიმე დღეში საზღვარზე რიგები აღარ იქნება. ტრაიელერები ადრე არსებული ტემპით იქნება საქართველოს მხარის მიერ მიღებული და გზების რეაბილიტაციის მიმდინარეობის საათებში ისინი გაჩერდებიან ბათუმსა და ქობულეთში სპეციალურად გამოყოფილ ადგილებში, ხოლო თავისუფალ საათებში გზას ჩვეულებრივად გააგრძელებენ.

გთხოვთ იხილოთ დაიჯესტი No 38...

ელექტროობისა და მექანიკის კომპანია “ჩაღლამ” ბათუმში თავისი შვილობილი კომპანია დაარსა. აღნიშნული ფირმა ელექტროობის დარგში მსოფლიო სტანდარტების დონისაა. მას მრავალ ქვეყანაში განხორციელებული აქვს უმნიშვნელოვანესი პროექტები: სასტუმროები, საცხოვრებელი სახლები, გარე განათებები, სავაჭრო ცენტრები, ბანკის შენობები, განათლების დაწესებულებები, ქარხნები, საავადმყოფოები და ჯანდაცვის ცენტრები. პროექტებს ფირმა ფრანგულ პარტნიორთან ერთად ახორციელებს. ისინი ქმნიან ისეთ სისტემებს, როდესაც ქალაქის მთელი განათება ერთი პუნქტიდან იმართება და რეგულირდება. მათი საქმიანობიდან ეიფელის კოშკის განათება, ბრანდერბურგის ჭიშკარი, მექსიკის პარლამენტის შენობა, ყაზახეთის პრეზიდენტის რეზიდენცია შეიძლება კმაროდეს.

კომპანია გეგმავს საქართველოში ადგილობრივი კადრების აღზრდას და თანამედროვე სისტემებით მომუშავე მძლავრი ელექტრო კომპანიის შექმნას, რაც ამ დარგში დღეს არსებულ ხარვეზს აღმოფხვრის.

კომპანიამ უკვე ბათუმის განათების, პარკირებისა და სხვა კონკრეტული პროექტების დამუშავება დაიწყო. ოქტომბრის თვის ბოლოს იგეგმება ფრანგულ-თურქული ერთობლივი პრეზენტაციის მოწყობა ქ. ბათუმში.

კომპანიასთან მოლაპარაკებებს აწარნმოებდა საქართველოს საერთაშორისო ინვესტორთა ასოციაცია და მათი დაინტერესება საქართველოში ინვესტიციების განხორციელების კუთხით ასოციაციის ერთ-ერთი წარმატებული მაგალითია.