გთხოვთ იხილოთ დაიჯესტი No 175

2013 წლის 1ივნისს საერთაშორისო ინვესტორთა ასოციაცია, ბავშვთა საერთაშორისო დღესთან დაკავშირებულ აქციას დაესწრო, რომელიც მახინჯაურის ინკლუზიური ჯგუფის მოზარდთა სახლში გაიმართა.  ასოციაციამ „თანა“–ს დღის ცენტრის აღსაზრდელებს საჩუქრად საჭირო ინვენტარი გადასცა.  ჩვილ ბავშვთა სახლის ლიკვიდაციის შემდეგ შენობა საქველმოქმედო ორგანიზაცია "თანას" დაეთმო, სადაც  უკვე ერთი თვეა შეზღუდული შესაძლებლობის მქონე 42 მოზარდი სწავლობს. 1 ივნისს, ოფიციალურად გაიხსნა მარტოხელა დედათა და ბავშვთა ცენტრი, რომელიც ამავე შენობაში განთავსდება. პროგრამა ჯანდაცვის სამინისტროს დაფინანსებით ამოქმედდება და 20-მდე მარტოხელა დედას თავიანთ შვილებთან ერთად საშუალება ექნებათ 6 თვის განმავლობაში თავშესაფარში იცხოვროს. მარტოხელა დედები ჯანდაცვის სამინისტროში, კომისიური წესით, გარკვეული კატეგორიის მიხედვით შეირჩევიან. ბავშვების მიერ მომზადებული ღონისძიების შემდეგ, საერთაშორისო ინვეტსორთა ასოციაცია მოზარდებს მაკდონალდში სადილით გაუმასპიძლდა.

გთხოვთ იხილოთ დაიჯესტი No 174

25 მაისს აზერბაიჯანის ქალაქ გაბალაში,რიგითი აზერბაიჯანი-თურქეთ-საქართველოს ბიზნეს ფორუმი გაიმართა. ფორუმზე ამ ქვეყნების მინისტრები და 300-მდე ბიზნსემენი ესწრებოდა. საქართველოს მხრიდან,  საქართველოს ეკონომიკის მინისტრი გიორგი კვირიკაშვილი, 40 ბიზნესმენი და საქართველოს  საერთაშორისო ინვეტსორთა ასოციაციის გენერალური მდივანი ოსმან ჩალიშქანი(მჟავანაძე) ესწრებოდნენ. მან დამსწრე საზოგადოებას აჭარის საინვესტიციო და ტურისტული პოტენციალის შესახებ ინფორმაცია მიაწოდა ბუკლეტების საშუალებით.  "ეს სამმხრივი ბიზნეს ფორუმი უკვე მესამედ ტარდება. განვიხილავთ ეკონომიკური თანამშრომლობის და ურთიერთობების გაფართოების პერსპექტივებს", _ ითქვა საქართველოს ეკონომიკური განვითარების სამინისტროს განცხადებაში. ღონისძიების მსვლელობისას, სამი ქვეყნის წარმომადგენლებმა პრეზენტაციები გამართეს ეკონომიკის სფეროში, მათი ბიზნეს და საინვესტიციო შესაძლებლობების წარმოსაჩენად. ასევე გაიმართა მხარეთა ორმხრივი შეხვედრები. ფორუმი საქართველოსთვის შედეგიანი აღმოჩნდა და მიმდინარე წელს საქართველოში,  ორი მილიარდი დოლარის უცხოური ინვესტიციას ელოდებიან, ძირითადად თურქეთი, აზერბაიჯანი, ყაზახეთი და რუსეთია დაინტერესებული. გაცნობებთ, რომ მორიგი  ბიზნესფორუმი მიმდინარე წლის შემოდგომაზე საქართველოში, კერძოდ ბათუმში გაიმართება.

გთხოვთ იხილოთ დაიჯესტი No 173

გთხოვთ იხილოთ დაიჯესტი No 172

2013წლის 16 მაისს, საქართველოს საერთაშორისო ინვესტორთა ასოციაციას “Shirt by Shirt” წარმომადგენლები ეწვივნენ.  ინვესტორები სსია–ს გენერალურმა მდივანმა ბატონმა ოსმან ჩალიშქანმა მიიღო. შეხვედრა გაცნობით ხასიათს ატარებდა, სადაც ცნობილი გახდა ახალი 1.500.000 აშშ დოლარის ინვესტიციის შესახებ.  ზემო აღნიშნული პროექტი ტექსტილის სფეროს მიეკუთვნება და სავარაუდოდ ქუთაისში  იგეგმება.  დამზადდება მამაკაცის პერანგები, შემდეგი საფირმო ნიშნებით: „Zara“, “H &M”, “Next” და “Max Spenser”.  ფაბრიკაში  800 ადმიანი დასაქმდება.  ტექსტილის ფაბრიკის მშენებლობა უახლოეს მომავალში დაიწყება. „Shirt by Shirt”  წარმომადგენლები იურიდიული საკითხებით დაინტერესდნენ, რაზეც ამომწურავი ინფორმაცია მიიღეს.

გთხოვთ იხილოთ დაიჯესტი No 171

დღეს საქართველოს ინვესტორთა ასოციაციას თურქეთის ქალაქ დიარბაქირის განვითარების სააგენტოს15 კაციანი დელეგაცია ეწვია. სტუმრები სსია–ს  გენერალურმა მდივანმა ბატონმა  ოსმან ჩალიშქანმა  მიიღო. ბიზნესმენებმა დაინტერესება გამოხატეს სამშენებლო ბიზნესის, სოფლის მეურნეობის, გადამამუშავებელი მრეწველობისა და ტურიზმის სფეროებისადმი. აღსანიშნავია, რომ შეხვედრას  აჭარის ა.რ. მთავრობის საინვესტიციო დეპარტამენტის უფროსი ბატონი ჯემალ ბერიძე და აჭარის ა.რ. მთავრობის თავმჯდომარის მრჩეველი ბატონი ტარიელ ლებანიძე ესწრებოდნენ. შეხვედრა გაცნობითი ხასიათის იყო და მათ  სამომავლო ურთიერთთანამშრომლობაზე  ისაუბრეს.

გთხოვთ იხილოთ დაიჯესტი No 170