გთხოვთ იხილოთ დაიჯესტი No 187

გთხოვთ იხილოთ დაიჯესტი No 186

გთხოვთ იხილოთ დაიჯესტი No 185

გთხოვთ იხილოთ დაიჯესტი No 184

გთხოვთ იხილოთ დაიჯესტი No 183

2013 წლის 1 აგვისტოს, ბათუმში, სასტუმრო რედისონში, აჭარის ა.რ. მთავრობის თავმჯდომარემ, არჩილ ხაბაძემ შეხვედრა გამართა უკრაინელ ბიზნესმენებთან. შეხვედრას ესწრებოდნენ აჭარის ფინანსთა და ეკონომიკის მინისტრი დავით ბალაძე, საერთაშორისო ინვესტორთა ასოციაციის გენერალური მდივანი ოსმან ჩალიშქანი, სავაჭრო პალატის პრეზიდენტი თამაზ შავაძე, ტურიზმისა და კურორტების დეპარტამენტის ხელმძღვანელი დემურ დიასამიძე, აგრეთვე ბიზნეს სფეროს სხვადასხვა წარმომადგენლები. უკრაინელ ბიზნესმენებს მთავრობის წარმომადგენლებმა აჭარის საინვესტიციო გარემო გააცნეს, საუბარი ასევე შეეხო ადგილობრივ ტურისტულ პროდუქტებს. პრეზენტაციის შემდეგ არჩილ ხაბაძემ სტუმრების შეკითხვებს უპასუხა. უკრაინელი ბიზნესმენების დელეგაცია 50 წევრისგან შედგება. დელეგაციაში წარმოდგენილნი არიან ბიზნესის განვითარების ევროპული ასოციაციის და უკრაინელი ქალების კლუბის წარმატებული წევრები. ისინი ეკონომიკური და საზოგადოებრივი საქმიანობით არიან დაკავაბულნი. დელეგაციის წევრებმა უკვე გამართეს შეხვედრები თბილისში სამთავრობო უწყებებთან და სამოქალაქო სექტორის წარმომადგენლებთან. საუბარი ორ ქვეყანას შორის თანამშრომლობასა და სამომავლო ურთიერთობებს შეეხო. აღნიშნული ვიზიტი ოდესაში საქართველოს საკონსულოს ორგანიზებით ხორციელდება.

გთხოვთ იხილოთ დაიჯესტი No 182

დღეს საერთაშორისო ინვესტორთა ასოციაციაში ხელი მოეწერა ოთხმხრივ მემორანდუმს. ურთიერთთანამშრომლობის მხარეებს წარმოადგენდნენ საქართველოს ინვესტორთა ასოციაცია, საქართველოს გიდების ასოციაცია, ბათუმის ტურიზმის სააგენტო და ტურიზმის განვითარების ცენტრ „ნიუკაზ“– ი. ზემოაღნიშნულ თანამშრომლობას დიდი მნიშვნელობა ექნება სამომავლოდ საქართველოში ტურიზმის განვითარების, კვალიფიციური გიდების აღზრდის ხელშეწყობის კუთხით. საერთაშორისო ინვესტორთა  ასოციაცია თავისი შესაძლებლობების, ეკონომიკური პოტენციალისა და ტურიზმის განვითრების მჭიდრო თანამშრომლობით საერთო საქმეს გააკეთებს ქვეყნისთვის. პროექტის ფარგლებში გადამზადდება 35 გიდი.

გთხოვთ იხილოთ დაიჯესტი No 181

2013 წლის 19 ივლისს, საერთაშორისო ინვესტორთა ასოციაციის ორგანიზებით სსია–ში გაიმართა შრომის კოდექსში შეტანილი ცვლილებების განხილვა, რომელსაც ასოციაციის მრჩეველი იურიდიულ საკითხებში, საერთაშორისო სამართლის ექსპერტი, კომპანია „JMK სამრთლებრივი კონსულტაცია“ პარტნიორი, ბატონი გია ქავთარაძე უძღვებოდა.  განხილვაზე მოწვეული იყვნენ ასოციაციის წერვი კომპანიები და აჭარის ა.რ. მთავრობის საინვესტიციო პოლიტიკის სამსახურის უფროსი ბატონი ჯემალ ბერიძე.  შეხვედრაზე განიხილეს და განმარტეს შრომის კოდექსში შეტანილი ყველა ცვლილება: თუ რა პროცედურების დაცვა არის საჭირო ახალი თანამშრომლის აყვანის ან სამსახურიდან დათხოვნის შემთხვევაში, საცდელი პერიოდით კადრის მიღებისას. აგრეთვე ისაუბრეს ხელშეკრულების ვადების, განაკვეთური სამუშაო საათების რაოდენობის, ზეგანაკვეთური, შვებულებებისა და მათი ანაზღაურებების შესახებ. ასოციაცია უახლოეს მომავალში,  მიმართვას გაგზავნის პრემიერ მინისტრის სახელზე საერთაშორისო ინვესტორთა ასოციაციის სოციალური პარტნიორობის სამმხრივ კომისიაში გაწევრიანების შესახებ, რომელიც  მთავრობის ინიციატივით შეიქმნა.