გთხოვთ იხილოთ დაიჯესტი No 180

გთხოვთ იხილოთ დაიჯესტი No 179

შპს „აჭარა ტექსტილი“  2008 წელს ქობულეთის რ. სოფ. ბობოყვათში დაარსდა საბჭოთა პერიოდიდან შემორჩენილი ჩაის ფაბრიკის ბაზაზე. თურქეთის რესპუბლიკასთან სიახლოვემ, საგადასახადო სისტემის და საბაჟო სისტემის დიდი როლი ითამაშა ამ გადაწყვეტილების მიღებაში. თავდაპირველი ინვესტიცია 4 მილიონი აშშ დოლარის ოდენობით ჩაიდო, რომელიც 2012 წლის ბოლოსთვის 6 მილიონ აშშ დოლარამდე გაიზარდა. 2012 წელს შპს „აჭარა ტექსტილე“-მ საქართველოს ბიუჯეტის სასარგებლოდ გადარიცხა 1.5 მილიონი ლარი. შპს „აჭარა ტექსტილი“ ჯერჯერობით მხოლოდ Puma, Adidas, Lotto და Erima-ს ფორმების და ყოველდღიური სპორტული ტანისამოსის წარმოებით არის დაკავებული. “აჭარა ტექსტილ”–ში შეიკერა ისეთი გამოჩენილი გუნდების ფორმები, როგორებიც არის: გლასგო რეინჯერი, ბორუსია დორტმუნდი, ნიუქასლ იუნაიტედი, ესპანიოლი, შტუტგარტი, ფეინორდი, იტალიის ნაკრები, ქიოლნი(ერიმა), სთეით თრეილიერეინ, ოლიმპიაკოსი, ლისაბონის სპორტინგი. 2009 წელს შპს „აჭარა ტექსტილ“-ის ქობულეთის საწარმომ დაიწყო ფუნქციონირება 75 დასაქმებულით. ხოლო 2010 წელს დასაქმებულთა რაოდენობა 300 ადამიანს აჭარბებდა. დღეს ქობულეთის საწარმოში წლიურად 3 მილიონი ერთეული შორტი და მაისური იკერება და ამჟამად საწარმოში 698 ადამიანია დასაქმებული. 2011 წელს შპს „აჭარა ტექსტილ“-ის გაფართოვება გადაწყდა და ბათუმში, თამარის დასახლებაში, ბენზეს სამკერვალო ფაბრიკის მშენებლობა დაიწყო. 2012 წლისთვის ბენზეს სამკერვალო ფაბრიკაში 370 ადამიანამდე მუშაობდა. დღეისთვის ბენზეს ფაბრიკაში წლიურად 1.5 მილიონი ერთეული შორტი და მაისური იკერება. საწარმოში დასაქმებულია 519 დამიანი. ჯამში 4.5 მილიონი ერთეული პროდუქტი. შპს „აჭარა ტექსტილ“-ს 2008 წლიდან დღემდე დასაქმებული ყავს 1200-ზე მეტი ადამიანი. დღემდე საქართველო დამოწმებული არ იყო კომპანია Nike-ს მიერ, როგორც პოტენციური შესაძლო მწარმოებელი,  ამასთან დაკავშირებით 2 წელია მიმდინარეობდა მოლაპარაკება Nike-სთან და 15 დღეა რაც საქართველო იქნა დამოწმებული. ამის გამო გაჩნდა თამარის დასახლებაში არსებული ფაბრიკის გაფართოების მოთხოვნილება. ეს საწარმო საბოლოო ჯამში 1200-მდე ადამიანს დაასაქმებს.  საწარმო გაფართოებული  სახით ამუშავდება 2014 წლის იანვარში.

გთხოვთ იხილოთ დაიჯესტი No 178

2013 წლის 26 ივნისს, ქ.ყარსში 24–ე ადგილობრივი და რეგიონალური მედიის შეხვედრა გაიმარა, რომელსაც საერთაშრისო ინვესტორთა ასოციაციის გენერალური მდივანი ბატონი ოსმან ჩალიშქანი დაესწრო. გაკეთდა პრეზენტაცია საქართველოში არსებული ტურისტული და საინვესტიციო ბდგომარეობისა და პოტენციალის  შესახებ. აგრეთვე ნაჩვენები იქნა ვიდეო რგოლი. დამსწრე საზოგადოებას გადაეცათ ტურისტული და საინვესტიციო სარეკლამო ბუკლეტები.  ბატონმა ოსმან ჩალიშქანმა სიტყვით გამოსვლის დროს აღინიშნა, რომ საქართველო, თავისი გეოგრაფიული მდებარეობის გამო მნიშვნელოვანია მეზობელი  ქვეყნებისთვის, რადგან  ამიერ კავკასიაში სახმელეთო თვალსაზრისით სარფიან ტრანზიტულ ქვეყანას წარმოადგენს. კონფერენციის მსველობისას საერთაშორისო ინვესტორთა ასოციაციის გენერალურმა მდივანმა, ორგანიზატორებს  შეთავაზება გაუკეთა, რის შემდეგაც გადაწყდა, რომ  აღნიშნული 25–ე ღონისძიება  2014 წელს საქართველოში, კერძოდ ბათუმში ჩატარდება.

გთხოვთ იხილოთ დაიჯესტი No 177

2013 წლის 24 ივნისს, თბილისში, საქართველოს დამსაქმებელთა ასოციაციის ორგანიზებით, ბიზნეს სექტორისა და  მთავრობის წარმომადგენლებს შორის  შეხვედრა გაიმართა, რომლის ძირითადი თემა,  საქართველოს შრომის კოდექსში შეტანილი ცვლილების განხილვა იყო. შეხვედრას  საქართველოს იუსტიციის მინისტრის მოადგილე, შრომი, ჯანმრთლობისა და სოციალური დაცვის მინისიტრის მოადგილე, საქართველოს დამსაქმებელთა ვიცე პრეზიდენტი და ბიზნესის სახვადასხვა წარმომადგენლები, მათ შორის საქართველოს საერთაშორისო ინვეტსორთა ასოციაციის თავმჯდომარე და გენერალური მდივანი ესწრებოდნენ. აგრეთვე განიხილეს  დამსაქებლებისთვის სხვადასხვა სახის სერვისების გაწევის, მათი  პროფკავშირების კოლექტიურ მოლაპარაკებებში ჩართვის, სოციალურ პარტიორებთან ურთიერთობის საკითხები.  გაცნობითი ხასიათის შემდეგ შეხვედრა კითხვა –პასუხის რეჯიმში გადავიდა.

2013წლის 20 ივნისს საქართველოს საერთაშორისო ინვესტორთა ასოციაციას, მსოფლიოში თურქეთის ბიზნეს საბჭოს ევრაზიის რეგიონების კომიტეტის ბიზნესმენთა 11 კაციანი ჯგუფი ესტუმრა. მნიშვნელოვანი სტუმრები ასოციაციის თავმჯდომარემ ბატონმა ჯემალ ბილგინგულლუოღლუმ და ასოციაციის გენერალურმა მდვანმა ბატონმა ოსმან ჩალიშქანმა მიიღეს. მსოფლიოში თურქეთის ბიზნეს საბჭოს ევრაზიის რეგიონების კომიტეტის ორგანიზებით ბიზნეს შეხვედრები ევრაზიის სხვადასხვა ქვეყნებში მიმდინარეობს. მათი განრიგით საქართველო რიგით მე-5-ა. შეხვედრები იმართება სამთავრობო სტრუქტურებსა და მსხვილ ასოციაციებში.  ბიზნეს საბჭოს წევრები რუსეთში, აზერბაიჯანში, უკრაინაში, თურქმენეთში, ყაზახეთში ერთერთი წამყვანი ბიზნესმენები არიან. შეხვედრაზე საუბარი იყო საქართველოსათან, საგარეო ეკონომიკურ ურთერთობათა საბჭოს (DEIK) რუსეთის და უკრაინის წარმომადგენლებთან თანამშრომლობის შესახებ. დაიგეგმა მემორანდუმების გაფორმება.

გთხოვთ იხილოთ დაიჯესტი No 176

2013 წლის 12 ივნისს, სასტუმრო „Holiday Inn“-ში გაიმართა ICC-ის კვარტალური მე-3 საკონსულტაციო საბჭოს შეხვედრა, სადაც განიხილეს საქართველოში არსებული ბიზნეს და საინვესტიციო მდგომარეობა. საბჭოს საპატივცემულოდ გამართულ მიღებას ICC-ის წევრები, დიპლომატიური საზოგადოება და მთავრობა ესწრებოდა. შეკრებაზე განიხილეს ზოგადი ბიზნეს კლიმატი,  მიმდინარე ეკონომიკური და ფისკალური მდგომარეობის ძირითადი საკითხები, საქართველოს კონკურენტუნარიანობის განვითარების  ზრდა, გადასახადების მოკრების პრაქტიკა, სახელმწიფოს კერძო დაფინანსება და სხვა. ICC-ის საკონსულპაციო საბჭო წარმოადგენს ბიზნეს საზოგადოების ერთადერთ ორგანოს საქართველოში, რომელიც აერთიანებს ICC-ის აღმასრულებელ საბჭოს, საფრანგეთის, გერმანიის, დიდი ბრიტანეთის, იტალიის, ნიდერლანდების და თურქეთის საელჩოებს, ევროკომისიის დელეგაციის თავმჯდომარეს, გაეროს განვითარების წარმომადგენელს საქართველოში, მსოფლიო ბანკის რეგიონალურ დირექტორს, ევროპის რეკონსტუქციისა და განვითარების ბანკის დირექტორს და საერთაშორისო სავალუტო ფონდის მუდმივ წარმომადგენელს. საკონსულტაციო საბჭოს მიზანია თავი მოუყაროს დიპლომატიურ და ბიზნეს სფეროების წევრებს კვარტალურ შეხვედრებზე რათა განიხილონ ქვეყანაში არსებული ბიზნეს და საინვესტიციო გარემო. მიღებული გადაწყვეტილებები გადაეცემა მთავრობასა და სხვა შესაბამის ორგანოებს.