გთხოვთ იხილოთ დაიჯესტი No 319

შპს „Brothers“ 2012 წელს დაფუძნდა და ამავე წელს დაიწყო ბათუმში  მრავალპროფილური ჰოსპიტალის მშენებლობა.  მიზანი რეგიონში ისეთი მძლავრი სამედიცინო ცენტრის შექმნა, სადაც მომსახურების უმაღლესი ხარისხი იქნებოდა და პაციენტებს სამედიცინო დახმარებისათვის აღარ მოუხდებოდათ უცხოეთში გამგზავრება. პროექტის რეალობად ქცევას რამდენიმე წელი და 25 მილიონი ამერიკული დოლარის ინვესტიცია დასჭირდა. 2016 წლის 1 თებერვალს ბათუმის საერთაშორისო საუნივერსიტეტო ჰოსპიტალმა პირველი პაციენტები მიიღო. შენობის საერთო ფართი 10.500 კვ. მეტრია. ჰოსპიტალი 103 პაციენტზეა გათვლილი და 400-ზე მეტი ადამიანია დასაქმებული. სამედიცინო პერსონალი როგორც ადგილობრივი, ისე უცხოელი პროფესიონალებით დაკომპლექტდა. მათ საშუალება მიეცათ მსოფლიო ბრენდების უახლესი ტექნოლოგიების გამოყენებით დახვეწონ თავიანთი პროფესიული უნარ-ჩვევები,  დროული და კვალიფიციური დახმარება აღმოუჩინონ პაციენტებს. ჰოსპიტალის მედიკოსები მუდმივად გადიან ტრენინგებს და ეცნობიან მედიცინის ინოვაციებს. "ძალიან მოხარული ვარ, რომ  გვაქვს საშუალება გავხსნათ ჰოსპიტალი, რომელიც არის კიდევ ერთი მაგალითი საქართველოსა და თურქეთს შორის პარტნიორობის, ძმობის და მეგობრობისა. ეს იქნება საერთაშორისო საუნივერსიტეტო ჰოსპიტალი, სადაც არა მხოლოდ საქართველოში, არამედ მეზობელ ქვეყნებში მცხოვრებ სტუდენტებსაც ექნებათ საშუალება მიიღონ უმაღლესი ხარისხის განათლება. ჩემს ახალგაზრდობაში მქონდა ბედნიერება მესწავლა თბილისის სახელმწიფო სამედიცინო ინსტიტუტში, ჩემი პირველი სპეციალობით ექიმი გახლავართ და დღეს ნამდვილად კეთილი შურით მშურს იმ ადამიანების, ვისაც ექნება საშუალება ასეთ სამედიცინო სასწავლებელში ისწავლოს" განაცხადა საქართველოს პრემიერ-მინისტრმა  გიორგი კვირიკაშვილმა  სიტყვით გამოსვლისას. გიორგი კვირიკაშვილმა, ჰოსპიტალში მუშაობისთვის, მადლობა გადაუხადა თურქეთის მოქალაქეს ექიმ კარდიოლოგ ისმეთ მიქელაძეს. ჰოსპიტალი „IUHB" უმაღლესი ხარისხის, თანამედროვე ტექნიკითაა აღჭურვილი, რაც მოსახლეობას ზუსტი დიაგნოსტიკის ჩატარების და მაღალი ხარისხის ამბულატორიული და სტაციონარული მკურნალობის საშუალებას მისცემს. სამომავლოდ, საავადმყოფოს კიდევ ერთი- ონკოლოგიური მიმართულებაც დაემატება. ჰოსპიტალის მშენებლობისთვის 25 მილიონი ამერიკული დოლარის ინვესტიცია განახორციელა. IUHB ერთ-ერთი პირველი სამედიცინო დაწესებულებაა საქართველოში, სადაც პაციენტის უფლებების დამცველის ინსტიტუტი ამოქმედდა. ჯანდაცვის სფერო უნიკალურია, ის მუდმივად საჭიროებს კაპიტალდაბანდებებს. სამომავლოდ გვსურს საუნივერსიტეტო ჰოსპიტალში არსებულ მიმართულებებს ადგილობრივი ბაზრის მოთხოვნილების გათვალისწინებით კიდევ რამდენიმე დაემატოს, მათ შორის ონკოლოგიური მედიცინაც.  ჩვენი მიზანი უცვლელი რჩება - თანამედროვე სტანდარტები სამედიცინო მომსახურების სფეროში, უმაღლესი ხარისხის მომსახურება და ინტელექტუალთა დასაქმება, გვსურს ჩვენი წვლილი შევიტანოთ  ე.წ. ინტელექტის გადინების ტენდენციის დამარცხებაში, რათა ქართველ ახალგაზრდებს აღარ მოუხდეთ სამუშაოს ძიება ევროპასა და აშშ-ში. გვჯერა, რომ ჩვენ ერთად შევძლებთ გავზარდოთ იმ საზოგადოების ჯანმრთელობის ხარისხი, ვისთან ერთადაც წლებია ვცხოვრობთ. აცხადებს საავადმოფოს წარმომადგენლობა.  საერთაშორისო საუნივერსიტეტო ჰოსპიტალის გახსნაზე, წუთიერი დუმილით პატივი მიაგეს, რამდენიმე დღის წინ, თურქეთში მომხდარი ტერაქტის დროს დაღუპულთა ხსოვნას.

2016 წლის 17 მარტს საერთაშორისო ინვესტორთა ასოციაციის გენერალური მდივანი ოსმან ჩალიშქანი აზერბაიჯანის გენერალურ კონსულს რაშად ფაილ-ოღლუ ისმაილოვი შეხვდა. გაცნობითი ხასიათის შეხვედრაზე ისაუბრეს რამდენიმე საკითხზე, ასოციაციის გენერალურმა მდივანმა აზერბაიჯანის კონსულს ასოციაციის და მისი წევრი კოპმპანიების შესახებ სრული ინფორმაცია მიაწოდა. შეხვედრაზე განიხილეს  აზერბაიჯანიდან ინვესტიციების შემოტანის პერსპექტივები. ასევე  რეგიონის ტურიზმის პოტენციალის გასაცნობად უახლოეს მომავალში  აზერბაიჯანიდან  ბიზნესმენების ჩამოყვანაც იგეგმება. შეხვედრის დასასრულს ორივე მხარემ ერთმანეთს სამახსოვრო  საჩუქრები გადასცეს და იმედი გამოთქვეს, რომ საქმიანი და ნაყოფიერი  ურთიერთობა აზერბაიჯანის საკონსულოსა და ბიზნესმენებს შორის მომავალშიც გაგრძელდება.

2016  წლის 15 მარტს საერთაშორისო ინვესტორთა ასოციაციის გენერალური მდივანი ოსმან ჩალიშქანი ( მჟავანაძე) ამერიკის საელჩოს წარმომადგენლებს ბატონ ჩარლზ სეტენს და ქალბატონ ნია ლომაძეს შეხვდა ასოციაციის ოფისში. გაცნობითი ხასიათის შეხვედრაზე ისაუბრეს რამდენიმე საკითხზე, მათ შორის  ეკონომიკის და  ვაჭრობისა სფეროებში არსებულ სიახლეებზე.  ასოციაციის გენერალურმა მდივანმა ამერიკის საელჩოს წარმომადგენლებს  ასოციაციის და მისი წევრი კომპანიების შესახებ სრული ინფორმაცია მიაწოდა. შეხვედრის დასასრულს ორივე მხარემ ერთმანეთს სამახსოვრო  საჩუქრები გადასცეს და იმედი გამოთქვეს, რომ საქმიანი ურთიერთობა ასოციაციას და საეჩოს  შორის მომავალშიც გაგრძელდება.

2016  წლის 14 მარტს საერთაშორისო ინვესტორთა ასოციაციის გენერალური მდივანი ოსმან ჩალიშქანი (მჟავანაძე ) ფოთის თავისუფალი ინდუსტრიის ზონის დირექტორს დეივიდ ბარკერს შეხვდა. გაცნობითი ხასიათის შეხვედრა ასოციაციის ოფისში  გაიმართა. შეხვედრაზე საუბარი შეეხო აჭარის რეგიონის ეკონომიკურ და საინვესტიციო გარემოს. კერძოდ ტექსტილის სფეროს აჭარის რეგიონში, საერთაშორისო ინვესტორთა ასოციაციის მდივანმა დეივიდ ბარკერს ყველა სახის ინფორმაცია მიაწოდა რითაც დაინტერესდა.  ხოლო ბატონმა დეივიდმა ისაუბრა ინვესტორებისთვის თიზ-ის მნიშვნელობაზე.  ფოთის თიზ–ი განსაკუთრებით მიმზიდველია  ტექსტილის მწარმოებელთათვის, ვინაიდან ფოთში ფაქტიურად მოხსნილია კვალიფიციური კადრების მოზიდვა გადამზადების პრობლემა,პროფესიული სკოლა / კოლეჯი სხვა მრავალ დარგთან ერთად ამ დარგის სპეციალისტებსაც ამზადებს. სწავლება უფასოა და ფინანსდება საქართველოს მთავრობის მიერ. კოლეჯის კურს დამთავრებულებზე გაიცემა შესაბამისი სერთიფიკატები, განსაკუთრებით მნიშვნელოვანია ის ფაქტი რომ კოლეჯი აღჭურვილია თანამედროვე დანადგარებით, მათ შორის, საკერავი მანქანებით.  ფოთის თავისუფალი ზონა წარმოადგენს რეგიონალურ ჰაბს,რომელიც მიმზიდველია როგორც მსუბუქი მრეწველობისთვის, ისე რეგიონული ვაჭრობისთვის და მძიმე მრეწველობის საწარმოებისათვის.

გთხოვთ იხილოთ დაიჯესტი No 318

2016  წლის 11 მარტს საერთაშორისო ინვესტორთა ასოციაციის გენერალური მდივანი ოსმან ჩალიშქანი  ასოციაციის ოფისში  მუსიად გეორგიას მმართველთა საბჭოს წარმომადგენლებს შეხვდა. შეხვედრაზე ისაუბრეს რამდენიმე საკითხზე, მათ შორის  ახალი ინვესტიციების განხორციელებაზე საქართველოში კერძოდ აჭარაში. ასოციაციის გენერალურმა მდივანმა მუსიად გეორგიას მმართველთა საბჭოს  ასოციაციის და მისი წევრი კოპმპანიების შესახებ სრული ინფორმაცია მიაწოდა. შეხვედრის დასასრულს ორივე მხარემ იმედი გამოთქვეს, რომ საქმიანი და ნაყოფიერი  ურთიერთობა ასოციაციებს შორის

2016  წლის 11 მარტს საერთაშორისო ინვესტორთა ასოციაციის გენერალური მდივანი ოსმან ჩალიშქანი      ქართველ და თურქ ბიზნესმენთა ასოციაციის „ გურთიადის „ თავმჯდომარეს ქენან ილდირიმს შეხვდა. გაცნობითი ხასიათის შეხვედრაზე ისაუბრეს რამდენიმე საკითხზე, მათ შორის  ეკონომიკის, სოფლის მეურნეობის, ვაჭრობისა და ტურიზმის სფეროებში არსებულ სიახლეებზე.  ერთ–ერთი უმნიშვნელოვანეს საკითხად განიხილებოდა საგადასახადო რისკები, თავისუფალი ვაჭრობის საკანონმდებლო ბაზა და საქართველოში მოქმედი საგადასახადო და შრომის კოდექსები.   მოგების გადასახადის ესტონური მოდელის საქართველოში დანერგვასთან დაკავშირებული ტექნიკური და ადმინისტრაციული საკითხები. ასოციაციის გენერალურმა მდივანმა გურთიადის თავმჯდომარეს ასოციაციის და მისი წევრი კოპმპანიების შესახებ სრული ინფორმაცია მიაწოდა. შეხვედრის დასასრულს ორივე მხარემ ერთმანეთს სამახსოვრო  საჩუქრები გადასცეს და იმედი გამოთქვეს, რომ საქმიანი და ნაყოფიერი  ურთიერთობა ასოციაციებს შორის მომავალშიც გაგრძელდება.

საქართველოს საერთაშორისო ინვესტორთა ასოციაცია აგრძელებს ტრადიციულად ქველმოქმედებას. აჭარის ჯანდაცვის სამინისტროს ინიციატივითა და საქართველოს საერთაშორისო ინვესტორთა ასოციაციის მხარდაჭერით თურმანიძეების სოციალურად დაუცველ - მრავალშვილიან ოჯახს საკვები პროდუქტები გადაეცა. 9 წევრიან ოჯახში 4 მცირეწლოვანი ცხოვრობს. ოჯახს ბავშვის ერთი თვის საკვები პროდუქტით უცნობი მოქალაქეებიც დაეხმარნენ.ქულის მინიჭების შემდეგ განიხილება ოჯახის მცირეწლოვან, 6 თვის ბავშვზე კვების ვაუჩერის გაცემის საკითხი .ინვესტორთა ასოციაცია მუშაობს არა მარტო ინვესტიციების მოზიდვისათვის, არამედ აქტიურად ახორციელებს საქველმოქმედო ღონისძიებებს, მათთვის ვისაც ძალიან ჭირდებათ ჩვენი გვერდში დგომა.

საქართველოს საგადასახადო კანონმდებლობა, მცირე ბიზნესთან დაკავშირებული წესები, საბაჟო რეგულაციები და ა.შ. - ამ თემებზე დეტალური ინფორმაცია და განმარტებები მიიღეს საქართველოში, კერძოდ, აჭარის ავტონომიურ რესპუბლიკაში არსებული საწარმოების მეპატრონე თურქმა მეწარმეებმა შემოსავლების სამსახურის წარმომადგენლებთან შეხვედრაზე, რომელიც 9 მარტს, ქ. ბათუმში გაიმართა. შეხვედრის მონაწილეთა კითხვებს მათთვის აქტუალურ და საინტერესო ყველა საკითხზე ამომწურავი პასუხები გასცეს შემოსავლების სამსახურის უფროსის მოადგილემ ვახტანგ ლაშქარაძემ, საბაჟო დეპარტამენტის უფროსმა ვლადიმერ ხუნდაძემ და მომსახურების დეპარტამენტის უფროსმა გიორგი ბუბუტეიშვილმა. შეხვედრა გაიმართა საქართველოში თურქეთის რესპუბლიკის გენერალური საკონსულოს ინიციატივით და მიზნად ისახავდა საქართველოში მოღვაწე თურქი ბიზნესმენების საგადასახადო ინფორმირებულობის ამაღლებას. შეხვედრას ესწრებოდნენ თურქეთის რესპუბლიკის გენერალური კონსული ქ. ბათუმში იასინ თემისქანი, თურქეთის სავაჭრო ატაშე საქართველოში მიქაელ დევერლიოღლუ, თურქეთის საბაჟო ატაშე საქართველოში ოზაი ქუთლუ, თურქეთის საქმიანი წრეების წარმომადგენლები,  საქართველოს საერთაშორისო ინვესტორთა ასოციაცია და მისი წევრი კომპანიების წარმომადგენლები.