გთხოვთ იხილოთ დაიჯესტი No 369

გთხოვთ იხილოთ დაიჯესტი No 368

გთხოვთ იხილოთ დაიჯესტი No 367

"თურქეთ-საქართველო-აზერბაიჯანის თანამშრომლობა არის თვალსაჩინო მაგალითი იმისა,  თუ როგორ შეიძლება მეზობელმა ქვეყნებმა გამოიყენონ ერთმანეთის პოტენციალი საკუთარი ხალხის კეთილდღეობის გასაზრდელად" - ამ სიტყვებით მიმართა საქართველოს ეკონომიკისა და მდგრადი განვითარების მინისტრმა გიორგი გახარიამ სტამბოლში, საქართველო-თურქეთ-აზერბაიჯანის სამმხრივი ბიზნესფორუმის მონაწილეებს. მინისტრის განცხადებით, მსგავსი ფორმატის ბიზნესფორუმი სამ ქვეყანას შორის უკვე მეხუთედ იმართება და საქართველო ამ ფორუმისგან კიდევ უფრო მეტ ინვესტიციებს ელოდება. "საქართველოს მთავრობისთვის ასევე მნიშვნელოვანია, რაც შეიძლება მეტმა თურქულმა და აზერბაიჯანულმა კომპანიამ გამოიყენოს ყველა ის უპირატესობა, რასაც ჩვენი ქვეყანა სთავაზობს დაინტერესებულ ინვესტორებს. აღსანიშნავია, რომ მხოლოდ ამ ორი ქვეყნიდან შემოსულმა ინვესტიციებმა ბოლო ხუთი წლის მანძილზე 1.5 მლრდ. აშშ დოლარს გადააჭარბა, რაც კიდევ ერთხელ მიუთითებს ჩვენს კეთილმეზობლურ, მჭიდრო ეკონომიკურ თანამშრომლობაზე. სასიხარულოა,  რომ ამ დროისთვის ქართულ ბაზარზე წარმოდგენილია არაერთი თურქული და აზერბაიჯანული კომპანია, რომლებიც წარმატებულად საქმიანობენ და ახორციელებენ მნიშვნელოვან პროექტებს სხვადასხვა ეკონომიკურ სექტორში‘’- განაცხადა სიტყვით გამოსვლისას გიორგი გახარიამ. თურქეთში ქართული ბიზნესდელეგაციის ვიზიტის ორგანიზატორი საქართველოს სავაჭრო-სამრეწველო პალატაა. ფორუმის პარალელურად, სამი ქვეყნის მინისტრები ერთმანეთს პირისპირ შეხვდებიან და სხვადასხვა მნიშვნელოვან თემებს, მათ შორის ტრანსპორტისა და რკინიგზის საკითხებს განიხილავენ. ღონისძიების ფარგლებში ასევე გაიმართა პირისპირ შეხვედრები სამი ქვეყნის ბიზნესწრეებს შორის, სადაც ქართულ კომპანიებს საშუალება ექნებათ შეხვდნენ და საქმიანი ურთიერთობები დაამყარონ პოტენციურ პარტნიორებთან როგორც თურქეთიდან, ისე აზერბაიჯანიდან. ფორუმის სფეროები განისაზღვრება ქართული კომპანიების ინტერესების შესაბამისად. ამ დროისთვის გამოკვეთილი სექტორებია რკინიგზა, ტურიზმი, სადაზღვევო სექტორი, მსუბუქი მრეწველობა, სამედიცინო ტურიზმი, ფარმაცევტიკა, სამედიცინო საქმიანობა, თევზჭერა, ხიზილალის მოპოვება და ა.შ. "თურქეთ-საქართველო-აზერბაიჯანის“ ბიზნეს ფორუმს ესწრებოდნენ საქართველოს საერთაშორისო ინვესტორთა ასოციაციიის  თავმჯდომარე, გენერალური მდივანი და ასოციაციის წევრი კომპანიების წარმომადგენლები. გაიმართა წინასწარ დაგეგმილი ორმხრივი შეხვედრები, სადაც ასოციაციის გენერალურმა მდივანმა დაინტერესებულ ინვესტორებს სრული ინფორმაცია მიაწოდა საქართველოზე და კერძოდ აჭარის რეგიონის საინვესტიციო შესაძლებლობებზე.

2017 წლის 8 თებერვალს საერთაშორისო ინვესტორთა ასოციაციის გენერალური მდივანი ოსმან ჩალიშქანი აჭარის უმაღლესი საბჭოს თავმჯდომარეს  დავით გაბაიძეს შეხვდა. გაცნობითი ხასიათის შეხვედრაზე ისაუბრეს რამდენიმე საკითხზე, მათ შორის ჩვენს რეგიონში ეკონომიკის ტურიზმის და ვაჭრობის სფეროს გაძლიერებაზე. ასოციაციის გენერალურმა მდივანმა უმაღლესი საბჭოს თავმჯდომარეს   ასოციაციის და მისი წევრი კოპმპანიების შესახებ სრული ინფორმაცია მიაწოდა. ასოციაცია დაფუძნდა 2009 წლის 15 ივლისს და არის არასამეწარმეო (არაკომერციული) იურიდიული პირი. ასოციაცია წარმოადგენს ერთ–ერთ უმსხვილეს ინვესტორთა გაერთიანებას საქართველოში. სსია-ს წევრები წარმოადგენენ მსხვილ კომპანიებს რომლებიც მოღვაწეობენ ეკონომიკის სხვადასხვა სფეროებში, როგორიცაა: საფეიქრო მრეწველობა, კვების მრეწველობა, მშენებლობა და სამშენებლო მასალები, საბანკო, დაზღვევა, სასტუმროები და სხვა. დღემდე ასოციაციის წევრი კომპანიების მიერ განხორციელდა 855 მილიონი დოლარის ინვესტიცია. ასოციაციის წევრი კომპანიების სამომავლო საინვესტიციო პროექტების ღირებულება აღწევს დააახლოებით 600 მილიონ აშშ დოლარს.  დღემდე ასოციაციის წევრი კომპანიების მიერ დასაქმდა 18 600 ადამიანი, ასოციაციის მიზანია საქართველოში ბიზნესის გარემოს გაუმჯობესების ხელშეწყობა. • საქართველოს, როგორც მიმზიდველი საინვესტიციო გარემოს მქონე ქვეყნის უკეთ წარმოჩენა საერთაშორისო ასპარეზზე. • ასოციაციის წევრი კოპანიების ლობირება ადგილობრივ და ცენტრალურ ხელისუფლებაში. • წევრი კომპანიების პრობლემატური საკითხების შესწავლა–ანალიზი და მათი წარდგენა შესაბამის ორგანოებში. • უფასო ავიზირებით მომსახურების უზრუნველყოფა (იურიდიული, საბუღალტრო, საბანკო ბიზნეს რჩევები) • ასოციაციის წევრი კომპანიების ინფორმირება საქართველოს კანონებისა და დებულებების ცვლილებების შესახებ. • წევრი კომპანიების PR საქართველოში და საზღვარგარეთ. ასოციაციის მუშაობის ორი ძირითადი მიმართულებაა წევრი კომპანიოების ლობირება და თანამშრომლობა ადგილობრივ და საერთაშორისო ორგანიზაციებთან. საქართველოს საერთაშორისო ინვესტორთა ასოციაცია არის შუამავალი მთავრობასა და ბიზნესს შორის.

გთხოვთ იხილოთ დაიჯესტი No 366

გთხოვთ იხილოთ დაიჯესტი No 365

გთხოვთ იხილოთ დაიჯესტი No 364

გთხოვთ იხილოთ დაიჯესტი No 363

გთხოვთ იხილოთ დაიჯესტი No 362