გთხოვთ იხილოთ დაიჯესტი No 689

გთხოვთ იხილოთ დაიჯესტი No 688

ბათუმშიკომპანია “Expo Batumi”-ის  ორგანიზებით 24-26 მარტს წიგნისა და უმაღლესი განათლების პირველი საერთაშორისო გამოფენა - “Batumi Book & Higher Education 2023” გაიმართა. გამოფენის მიზანი წიგნის კითხვის პოპულარიზაცია, საგამომცემლო სექტორის განვითარების ხელშეწყობა და თანამედროვე ტექნოლოგიების გაცნობაა. გამოფენის ფარგლებში ჩატარდა საერთაშორისო კონფერენცია და სხვადასხვა შემეცნებით-გასართობი პროგრამები.

2023 წლის 17 მარტს, თურქეთში ჩანაქქალეს საზღვაო ბრძოლაში გამარჯვების დღის აღსანიშნავად და დაღუპულთა ხსოვნის საპატივცემულოდ ასევე, თურქეთში მიწისძვრის დროს დაღუპულთა ხსოვნის  საპატივცემულოდ თურქეთის გენერალურ საკონსულოში დაღუპულთა ხსოვნისადმი მიძღვნილი ღონისძიება გაიმართა. ღონისძიებას მთავრობისა და დიპლომატიური კორპუსის წარმომადგენლები, ასოციაციების თავმჯდომარეები და ბიზნესმენები ესწრებოდნენ. დაღუპულთა ხსოვნისადმი მიძღვნილ ღონისძიებას ასევე, Deik-ის თურქეთ-საქართველოს ბიზნეს საბჭოსა და ინვესტორთა ასოციაციის თავმჯდომარე ესწრებოდა.

2023 წლის 17 იანვარს ონლაინ ფორმატში DEIK-ის  თურქეთ-საქართველოს ბიზნეს საბჭოს შემაჯამელებელი სხდომა  გაიმართა.  შეხვედრაზე  თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარემ ოსმან ჩალიშქან მჟავანაძემ  მონაწილეებს Deik-ის თურქეთ-საქართველოს ბიზნეს საბჭოს მიერ   2022 წელს განხორციელებული აქტივობების შესახებ ინფორმაცია მიაწოდა. მხარეებმა შეხვედრაზე განიხილეს, ორ ქვეყანას შორის ეკონომიკური, სტრატეგიული პარტნიორობის მნიშვნელობასა და თანამშრომლობის შემდგომი გაღრმავების პერსპექტივები, დიაგონალური კუმულაციის მნიშვნელობა, საბაჟო გამშვებ პუნქტებზე არსებული პრობლემები და გადაჭრის გზები. ასევე განიხილეს ერთობლივი პროექტები და მათი განხორციელების გზები.  შეხვედრაზე ხაზგასმით აღინიშნა რომ, თურქეთი   საქართველოს პარტნიორი ქვეყანაა და 2022 წელს თურქულმა ინვესტიციებმა რეკორდულ მაჩვენებელს მიაღწია. ონლაინ შეხვედრას ესწრებოდა,  თურქეთის რესპუბლიკის  საგანგებო და სრულუფლებიანი  ელჩი ალი ქაან ორბაი, თურქეთის  რესპუბლიკის  გენერალური კონსული რიზა ქაან ილმაზი, თურქეთის რესპუბლიკის ვაჭრობის სამინისტროს საერთაშორისო სახელშეკრულებო და ევროკავშირთან ურთიერთობის  გენერალური დირექტორი ჰუსნუ დილემრე,  თურქეთის რესპუბლიკის ვაჭრობის სამინისტროს საბაჟო განყოფილების გენერალური დირექტორი  მუსტაფა გუმუში, თურქეთის სავაჭრო ატაშეები და  DEIK-ის თურქეთ-საქართველოს ბიზნეს საბჭოს წევრები.

2023 წლის 21 იანვარს ჩარშამბას საფონდო ბირჟის სამეთვალყურეო საბჭოს წევრები საქართველოს საერთაშორისო ინვესტორთა ასოციაციას გაცნობითი ხასიათის ვიზიტით ეწვივნენ. შეხვედრის მსვლელობისას მხარეებმა განიხილეს, თურქეთ-საქართველოს სავაჭრო-ეკონომიკური ურთიერთობები, საქართველოს საინვესტიციო გარემო და უცხოური ინვესტიციების მოზდივის მნიშვნელობა. Deik-ის თურქეთ -საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარემ ოსმან ჩალიშქან მჟავანაძემ მადლობა გადაუხადა სტუმრებს მობრძანებისთვის.

2023 წლის 12 იანვარს Deik-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე თურქეთის რესპუბლიკის ქალაქ ხოფის გამგებელსა და სარფის სასაზღვრო-გამშვები პუნქტის ადმინისტრაციის უფროსს გურქან უჩუნჯუს საპასუხო ვიზიტით ეწვია. შეხვედრაზე მხარეებმა განიხილეს, ორ ქვეყანას შორის ვაჭრობის, ეკონომიკისა და კულტურის სფეროებში თანამშრომლობის გაღრმავების შესაძლებლობები, სარფის საბაჟოზე არსებული შეფერხებები და სხვა აქტუალური საკითხები.

2023 წლის 12 იანვარს Deik-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე, თურქეთის რესპუბლიკის ქაჩქარის საბაჟოსა და საგარეო ვაჭრობის რეგიონალური სამმართველოს უფროსს ერსინ ბაშარანს და სარფის საბაჟო გამშვები პუნქტის უფროსს შენოლ ალქანს ეწვია. შეხვედრის მსვლელობისას მხარეებმა ისაუბრეს მიმდინარე აქტუალურ საკითხებზე, თურქეთ-საქართველოს სავაჭრო-ეკონომიკური ურთიერთობების გაღრმავებაზე, სარფის საბაჟო გამშვებ პუნქტზე არსებულ პრობლემებზე და გადაჭრის გზებზე.

2022 წლის 21 დეკემბერს საქართველოს სავაჭრო-სამრეწველო პალატის ორგანიზებით ბათუმში, მეწარმეთა შესახებ საქართველოს კანონი - უახლეს პრაქტიკასთან და აქტუალურ საკითხებთან დაკავშირებით კონფერენცია გაიმართა. კონფერენციაზე მხარეებმა განიხილეს საკანონმდებლო ცვლილებები და მათ პრაქტიკაში დანერგვასთან დაკავშირებული გამოწვევები. აღნიშნულ კონფერენციას, მთავრობისა და კერძო სექტორის წარმომადგენლები, ასოციაციების თავმჯდომარეები და ბიზნესმენები ესწრებოდნენ. აღნიშნულ შეხვედრას ასევე დაესწრო DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან მჟავანაძე.

შეხვედრის მსვლელობისას მხარეებმა განიხილეს თურქეთ-საქართველოს სავაჭრო ეკონომიკური ურთიერთობები, მიმდინარე წელს განხორციელებული აქტივობები და სამომავლო გეგმები. ‘’თურქეთი საქართველოს მეგობარი ქვეყანა და სავაჭრო პარტნიორია, აუცილებელია ერთობლივად ხელი შევუწყოთ ორ ქვეყანას შორის სავაჭრო-ეკონომიკური ურთიერთობების გაღრმავებასა და საქართველოს საინვესტიციო პოტენციალის მაქსიმალურ გამოყენებას’’ -აღნიშნა DEIK-ის თურქეთ-საქართველოს ბიზნეს საბჭოსა და საქართველოს საერთაშორისო ინვესტორთა ასოციაციის თავმჯდომარემ ოსმან ჩალიშქან მჟავანაძემ.