2015  წლის 1ივნისს  მორიგი საქველმოქმედო აქცია განახორციელა საქართველოს საერთაშორისო ინვესტორთა ასოციაციამ,  75 სოციალურად დაუცველ ოჯახს ბავშვთა დაცვის საერთაშორისო დღე მიულოცა ინვესტორთა ასოციაციის გენერალურმა მდივანმა და მოზარდებს მაკდონალდსში სადილით გაუმასპინძლდა. 75 ბავშვისთვის მოეწყო გასართობი ღონისძიება McDonald’s. აქციის ფარგლებში ბავშვებმა ისადილეს და მათ სამახსოვრო სათამაშოები გადაეცათ. ინვესტორთა ასოციაცია მუშაობს არა მარტო ინვესტიციების მოზიდვისათვის, არამედ აქტიურად ახორციელებს საქველმოქმედო ღონისძიებებს, მათთვის ვისაც ძალიან ჭირდებათ ჩვენი გვერდში დგომა. ცნობისათვის: ბავშვთა დაცვის საერთაშორისო დღე — დააწესა 1949 წლის ნოემბერს ქალთა საერთაშორისო დემოკრატიულმა ფედერაციამ. 1950 წლიდან აღინიშნება ყოველწლიურად 1 ივნისს მსოფლიოს მრავალ ქვეყანაში.

მიმდინარე წლის 22 მაისს ფოთის თავისუფალმა ზონამ მონაწილეობა მიიღო ქ. ბათუმში საერთაშორისო ინვესტორთა ასოციაციის მხარდაჭერით ორგანიზებულ შეხვედრაში ტექსტილისა და კვების მრეწველობის სფეროში მოღვაწე თურქულ კომპანიებთან. თურქეთიდან 15 სხვადასხვა კომპანიის წარმომადგენლები შეხვდნენ ფოთის თავისუფალი ზონის წარმომადგენელს და გაეცნენ ზონაში არსებულ მუშაობის პირობებს, პრეფერენციებს, არსებულ ინფრასტრუქტურას და პერსპექტივებს. შეხვედრას საერთაშორისო ინვესტორთა ასოციაციის გენერალური მდივანი ესწრებოდა რომელმაც თურქ ბიზნესმენებს აჭარის რეგიონში მიმდინარე და არსებული პროექტები გააცნო როგორც ბიზნესის ასევე ტექსტილის სფეროს კუთხით. შეხვედრის ბოლოს რამდენიმე დაინტერესებულმა კომპანიამ ფოთის თავისუფალი ზონის ტერიტორიის დათვალიერებისა და მიმდინარე პროექტების ადგილზე გაცნობის სურვილი გამოთქვა. ფოთის თიზ–ი განსაკუთრებით მიმზიდველი აღმოჩნდა ტექსტილის მწარმოებელთათვის, ვინაიდან ფოთში ფაქტიურად მოხსნილია კვალიფიციური კადრების მოზიდვა გადამზადების პრობლემა,პროფესიული სკოლა / კოლეჯი სხვა მრავალ დარგთან ერთად ამ დარგის სპეციალისტებსაც ამზადებს. სწავლება უფასოა და ფინანსდება საქართველოს მთავრობის მიერ. კოლეჯის კურს დამთავრებულებზე გაიცემა შესაბამისი სერთიფიკატები, განსაკუთრებით მნიშვნელოვანია ის ფაქტი რომ კოლეჯი აღჭურვილია თანამედროვე დანადგარებით, მათ შორის, საკერავი მანქანებით.  შეთანხმდა რომ დაინტერესებული კომპანიები დეტალებში გათვლიან თავიანთ პოტენციურ პროექტებს ფოთის თიზ–ში და შემდგომში მოხდება კოორდინირებათიზ–თან მათგან ვითარებასთან დაკავშირებით.  ფოთის თავისუფალი ზონა, რომელიც 2011 წლიდან ფუნქციონირებს, აქტიურად განაგრძობს განვითარებას  და მუშაობას სხვადასხვა მიზნობრივი ქვეყნებიდან სამრეწველო თუ სავაჭრო მიმართულებით კომპანიების მოსაზიდად. ფოთის თავისუფალი ზონა წარმოადგენს რეგიონალურ ჰაბს,რომელიც მიმზიდველია როგორც მსუბუქი მრეწველობისთვის, ისე რეგიონული ვაჭრობისთვის და მძიმე მრეწველობის საწარმოებისათვის.

გთხოვთ იხილოთ დაიჯესტი No 277

შეზღუდული შესაძლებლობის მქონე პირთა სარეაბილიტაციო ცენტრი ''თანა'' ოფიციალურად გაიხსნა. ღონისძიება მახინჯაურში გაიმართა. შეხვედრას აჭარის მთავრობის და უმაღლესი საბჭოს თავმჯდომარეები, მინისტრთა კაბინეტის წევრები, საქართველოს საერთაშორისო ასოციაციის გენერალური მდივანი და ასოციაციის წევრი კომპანიების წარმომადგენლები, თურქეთის რეპუბლიკის ელჩი, თურქეთის გენერალური კონსული ბათუმში და თურქეთის თანაშრომლობისა და კოორდინაციის სააგენტოს თბილისის ოფისის კოორდინატორი დაესწრნენ. შეზღუდული შესაძლებლობის მქონე პირთა ცენტრის სარემონტო აღდგენითი სამუშაოები და სრული აღჭურვა 2013 წელს საერთაშორისო ინვესტორთა ასოციაციის ინიციატივით და აჭარის ჯანდაცვის სამინისტიროს მიმართვის საფუძველზე "თიკას" თბილისის სააკორდინაციაო ოფისმა დაიწყო. ცენტრის შენობა აჭარის მთავრობამ საზოგადოება "თანას" 10-წლიანი უსასყიდლო სარგებლობის უფლებით გადასცა. ცენტრში ხორციელდება ინკლუზიური განათლება და დასაქმებისთვის საჭირო უნარ-ჩვევების დაუფლება. ამჟამად ცენტრში 150 პირია. შეზღუდული შესაძლებლობის მქონე პირთა სარეაბილიტაციო ცენტრ  ''თანა''-ს 5 საკერავი მანქანა გადასცა საერთაშორისო ინვესტორთა ასოციაციის წევრმა კომპანია ბი თი ემ ტექსტილმა, სადაც 1 თვის განმავლობას ბი თი ემ ტექსტილიდან  1 მასწავლებელი ყოველდღიურად შეასწავლის შეზღუდული შესაძლებლობის მქონე პირებს საჭირო უნარ-ჩვევების კერვაში.

გთხოვთ იხილოთ დაიჯესტი No 276

გთხოვთ იხილოთ დაიჯესტი No 275

გთხოვთ იხილოთ დაიჯესტი No 274

გთხოვთ იხილოთ დაიჯესტი No 273

სასტუმრო შერატონის საკონფერენციო დარბაზშიბათუმში  წლის წარმატებული ბიზნესმენები დააჯილდოვეს. გამარჯვებულები 8 ნომინაციაში გამოვლინდნენ.  სტუმრებს მიესალმა აჭარის ავტონომიური რესპუბლიკის მთავრობის თავმჯდომარე არჩილ ხაბაძე და დააჯილდოვა ფირმები, რომლებმაც 2014 წლის წარმატებული საინვესტიციო პროექტები განახორციელეს. ცერემონიაზე დაჯილდოვდნენ წარმატებული საწარმოები, სხვადასხვა დარგის ბიზნესმენები, ტურიზმისა და სასტუმრო საქმიანობაში წარმატებული ადამიანები, ექსპორტიორები და ინვესტორები, ბიზნეს გაერთიანებები და სატრანსპორტო კომპანიები. ასევე, დაჯილდოვებაზე გამოვლინდნენ წარმატებული ქალი ბიზნესმენები. აღნიშნულ ცერემონიაზე საერთაშორისო ინვესტორთა ასოციაცია და ინვესტორთა ასოციაციის სხვადასხვა სფეროში მოღვაწე შვიდი წევრი კომპანია დაჯილდოვდა აჭარის სავაჭრო სამრეწველო პალატის მიერ. ეს წევრი კომპანიებია: “აჭარა ტექსტილი”, „ბი თი ემ ტექსტილი“,  “ბათუმი ტექსტილი”, შპს. ”ბრაზერს”, “ჯი აი ემ ჯი”, “აჭარა ენერჯი”, “ლეო გრანდი და  სისტემ ინშაათი (პორატა თაუერი) ”. "ეს ის ბიზნესმენებია, რომლებიც აჭარაში მოღვაწეობენ და დასაქმებასა და ბიუჯეტის ზრდას უწყობენ ხელს. დაჯილდოება კი არის მოტივაცია, რომ ბიზნესმა საქმე აკეთოს. მას ვისაც დამსახურება აქვს უნდა გადავცეთ პრიზები და დავაჯილდოვოთ.ვფიქრობ, რომ აღნიშნული დაჯილდოება მისასალმებელი ფაქტია და ბიზნესმენების მხრიდანაც არის შესაბამისი რეაქცია. ამას ტრადიციული ხასიათი უნდა მიეცეს და გაჯანსაღდეს სახელმწიფოს დამოკიდებულება ბიზნესის მიმართ. აღსანიშნავია, რომ ბიუჯეტში გვაქვს მატება. ბოლო 2 წლის განმავლობაში 45 მილიონით გაიზარდა შემოსავლები. ეს გულისხმობს, რომ ბიზნესი ვითარდება, დასაქმება იზრდება და ამაში ბიზნესმენთა წვლილი ძალიან დიდია." - განაცხადა არჩილ ხაბაძემ.

გთხოვთ იხილოთ დაიჯესტი No 272