ამინდი

ვალუტის კურსი

 

საერთაშორისო სავაჭრო პალატის გენერალურმა ასამბლეამ ბორდის ორი წევრი და ვიცე-პრეზიდენტი დაამტკიცა, ასევე სტიქიის შედეგად დაზარალებულებს თანამდგომა გამოუცხადა PDF Print E-mail
Monday, 15 June 2015 14:47

2015 წლის 15 ივნისს, საერთაშორისო სავაჭრო პალატამ გენერალური ასამბლეა გამართა. არჩევნების შედეგად აირჩა  ბორდის ორი წევრი და ვიცე-პრეზიდენტი / ხაზინადარი.  გენერალურმა ასამბლეამ - ელჩი ბ-ნ ზურაბ კაჭკაჭიშვილი დაამტკიცა საერთაშორისო სავაჭრო პალატის საქართველოს ეროვნული კომიტეტის გენერალურ მდივნად. საერთაშორისო სავაჭრო პალატას ბორდის წევრობისთვის 2 ვაკანტური პოზიცია ჰქონდა გამოცხადებული, რომლისთვისაც 5 კანდიდატმა იყარა კენჭი. არჩევნების შედეგად შეირჩა: ქ-ნ ნონა მამულაშვილი - კომპანია ფილიპ მორისის კორპორატიულ საქმეთა მენეჯერი და ბ-ნ ოსმან ჩალიშქანი-მჟავანაძე - კომპანია ჯეონეთ ექსპოს დირექტორი და  ინვესტორთა საერთაშორისო   ასოციაციის გენერალური მდივანი.  გენერალურმა ასამბლეამ ასევე აირჩია საერთაშორისო სავაჭრო პალატის მეორე ვიცე-პრეზიდენტი/ხაზინადარი, ბ-ნ ნიკოლოზ მჭედლიშვილი, რომელიც  პეტროკას ენერჯის ვიცე-პრეზიდენტია.  გენერალურმა ასამბლეამ განიხილა სტიქიის შედეგად დაზარალებული ოჯახების მდგომარეობა და გადაწყვეტია, საერთაშორისო სავაჭრო პალატის წევრებს შორის შეგროვდეს თანხა დაზარალებული ოჯახებისთვის, ასევე კატასტროფის შედეგად დაზიანებული ოჯახის წევრებისთის მოიძებნოს მათი დასაქმების საშუალება.  „ჩვენ მივესალმებით საერთაშორისო სავაჭრო პალატის ახლადარჩეულ ბორდის წევრებს, ქ-ნ ნონა მამულაშვილს და ბ-ნ ოსმან მჟავანაძეს, რომლებიც დიდ წვლილ შეიტანენ პალატის შემდგომ განვითარებაში. მსურს მადლობა გადავუხადო საერთაშორისო სავაჭრო პალატის წევრებს, რომლებაც გამოხატეს კეთილი ნება, დახმარება გაუწიონ სტიქიის შედეგად დაზარალებულებს“-განაცხადა საერთაშორისო სავაჭრო პალატის თავმჯდომარემ ფადი ასლიმ.  საერთაშორისო სავაჭრო პალატა არის უმსხვილესი ბიზნესორგანიზაცია მსოფლიოში, რომელიც აერთიანებს 6.5 მილიონ ბიზნესორგანიზაციასა და 12,000 სავაჭრო პალატას. საერთაშორისო სავაჭრო პალატა რეგულარულად კონსულტაციებს გადისგლობალურ დონეზე ისეთ ორგანიზაციებთან, როგორიცაა: G8, G20, მსოფლიობანკი, WTO, WCO და UN. საქართველოში,  საერთაშორისო სავაჭროპალატა არისუმსხვილესი დაყველაზე გავლენიანი ბიზნესორგანიზაცია, რომელიცა ერთიანებს 350-ზე მეტ კორპორატიულ წევრს, ახალგაზრდული პროექტის სტუდენტებს, 28 ბიზნეს და არასამთავრობო ორგანიზაციას.

 
გამოვიდა სსია-ს მორიგი ყოველკვირეული ეკონომიკური დაიჯესტი... PDF Print E-mail
Monday, 15 June 2015 06:08

გთხოვთ იხილოთ დაიჯესტი No 279

 
საერთაშორისო ინვესტორთა ასოციაცია სტიქიით დაზარალებულებს ეხმარება PDF Print E-mail
Monday, 15 June 2015 06:35

საერთაშორისო ინვესტორთა ასოციაცია ღრმა მწუხარებას გამოთქვამს და უსამძიმრებს სტიქიით გამოწვეული მიზეზით დაღუპულთა ოჯახებს, გამოხატავს თანაგრძნობას სტიქიით  დაზარალებულების და მათ მიმართ ვინც დაკარგა თავიანთი საცხოვრებელი ადგილი.  საქართველოს საერთაშორისო ინვესტორთა  ასოციაცია და მისი წევრი კომპანიები ეხმარებიან სტიქიით დაზარალებულებს, და დახმარების სახით თბილისში აგზავნიან სურსათით, მაისურებით, თეთრეულით  და პირველადი ჰიგიენის საშუალებით დაფასოებულ  200 ცალ ყუთს. ასოციაცია აქტიურად ახორციელებს საქველმოქმედო ღონისძიებებს, მათთვის ვისაც ძალიან სჭირდებათ ჩვენი გვერდში დგომა.

 
პირველი საუნივერსიტეტო კლინიკა ბათუმში “Bau International University Batumi” გაიხსნა PDF Print E-mail
Thursday, 11 June 2015 11:52

2015წლის 10 ივნისს, ბათუმში პირველი საუნივერსიტეტო კლინიკა გაიხსნა. დაწესებულება თურქული ინვესტიციით ქართულმა  კომპანია შპს  Brothers-მა ააშენა.  „Bau International University Batumi” წარმოადგენს მსოფლიო ქსელის Bau Global-ის ნაწილს. Bau Global-ის  მიერ დაარსებული უნივერსიტეტები ფუნქციონირებს მსოფლიოს სხვადასხვა ქვეყნის წამყვან ქალაქებში, ისეთები როგორებიცაა ვაშინგტონი, ბერლინი, რომი, სტამბული, სინგაპური, ტორონტო და ჰონკკონგი. აღნშნულ ქსელი ახორციელებს ასევე პროფესიული სასწავლო პროგრამების შესაწავლას მსოფლიოს 80 მდე ქვეყანაში. Bau Global-ის ქსელის სტუდენტების საერთო რაოდენობა შეადგენს 30 000ს. „Bau International University Batumi” -ში ამჟამად ფუნქციონირებს სამედიცინო ფაკულტეტი. „ბაუ ბათუმის საერთაშორისო უნივერსიტეტი“ 2015 – 2016 სასწავლო წელს სამედიცინო სფეროში განათლების მისაღებად ღებულობს სტუდენტებს  როგორც საქართველოს, ასევე მთელი მსოფლიოს მასშტაბით. უნივერსიტეტი მოქმედებს ფონდების მეშვეობით და სხვადასხვა სპეციალობაში წარმატებულ სტუდენტებს სტიპენდიებით წაახალისებს. პირველ წელს უნივერსიტეტი ღებულობს მხოლოდ უცხო ქვეყნის მოქალაქე სტუდენტებს, ხოლო შემდგომ წლებში  მიიღებს როგორც უცხო ქვეყნის მოქალაქეებს, ასევე საქართველოს მოქალაქეებსაც.  საავადმყოფო კომპლექსის ბაზაზე განთავსებულია  „ბაუ ბათუმის საერთაშორისო უნივერსიტეტი“  რომლის საერთო ინვესტიცია შეადგენს 25 მილიონ დოლარს. უნივერსიტეტს შეუძლია მიიღოს 300 სტუდენტი. პირველ წელს მიღებულ იქნება 50 სტუდენტი. შემდგომი წლებში იგეგმება დამატებითი ინვესტიციების განხორციელება და დამატებით კიდევ გაიხსნება ფაკულტეტები სტომატოლოგიისა და ტურიზმის განხრით. (BAU International University, Batumi) სასწავლო უნივერსიტეტის მისიაა საერთაშორისო სტანდარტების შესაბამისი საგანმანათლებლო პოლიტიკა, კონკურენტუნარიანი, მაღალი ზნეობრივი სტანდარტების, კვალიფიციური, მეცნიერული ხედვითა და ინოვაციური ტექნოლოგიების ცოდნით აღჭურვილი, ლიბერალური ღირებულებების მქონე კადრების მომზადება. მისიიდან გამომდინარე უნივერსიტეტის ძირითადი მიზნებია: განახორციელოს და განავითაროს უმაღლესი საგანმანათლებლო პროგრამები (ერთსაფეხურიანი, საბაკალავრო და სამაგისტრო); მოამზადოს მაღალკვალიფიციური კადრები, რომლებიც კონკურენტუნარიანი იქნებიან საერთაშორისო შრომის ბაზარზე; ხელი შეუწყოს სასწავლო უნივერსიტეტის ინტეგრაციას მსოფლიო საგანმანათლებლო და სამეცნიერო სივრცეში; შეიმუშაოს და განახორციელოს საქართველოს და უცხოეთის უნივერსიტეტებთან ერთობლივი საგანმანათლებლო პროგრამები და სამეცნიერო-კვლევითი პროექტები; უზრუნველყოს პროფესორ-მასწავლებლების აკადემიური თავისუფლება; შექმნას სტუდენტზე მორგებული საუნივერსიტეტო გარემო სწავლისა და სამეცნიერო მუშაობისათვის; სასწავლო  უნივერსიტეტის ძირითადი ამოცანებია: საგანმანათლებლო პროგრამების პერმანენტული დახვეწა და საგანმანათლებლო პროცესის ინოვაციური განვითარება; პოტენციური დამსაქმებელის ინტერესების გათვალისწინება; სტუდენტისათვის პროფესიონალად ჩამოყალიბების მაქსიმალური ხელშეწყობა; სამეცნიერო კვლევებისა და ახალი ცოდნის დანერგვის ხელშეწყობა; საერთაშორისო სამეცნიერო თანამშრომლობის განვითარება; სტუდენტთა მობილობის ხელშეწყობა; საერთაშორისო სამეცნიერო- კვლევითი პროექტების შემუშავებისა და განხორციელების ხელშეწყობა; პროფესორის პროფესიული განვითარების ხელშეწყობა; უნივერსიტეტის სტუდენტებს შესაძლებლობა ექნებათ მიიღონ მონაწილეობა გაცვლით პროგრამებში Bau Global-ის ქსელში არსებულ უნივერსიტეტებში. უნივერსიტეტის მთავარი პრიორიტეტი გახლავთ მისი კლინიკური ბაზა - ბათუმის საერთაშორისო საუნივერსიტეტო ჰოსპიტალი, რომელიც მდებარეობს უნივერსიტეტის შენობაში, სადაც სტუდენტებს შეეძლებათ პრაქტიკული მეცადიონეობების გავლა. სამედიცინო ფაკულტეტი პირველ ეტაპზე გათვლილია 50 სტუდენტზე (6 კურსის განმავლობაში 350 სტუდენტის მიღებაა შესაძლებელი).უნივერსიტეტის ლაბორატორიები აღჭურვილია უახლესი ტექნიკით და მულიაჟებით, რაც მისცემს შესაძლებლობას სტუდენტებს შეიძინონ ხარისხიანი ცოდნა.

 
გამოვიდა სსია-ს მორიგი ყოველკვირეული ეკონომიკური დაიჯესტი... PDF Print E-mail
Sunday, 07 June 2015 11:50

გთხოვთ იხილოთ დაიჯესტი No 278

 
პრემიერ-მინისტრმა ბათუმში ხუთვარსკვლავიანი სასტუმრო “ლეო გრანდი” გახსნა PDF Print E-mail
Tuesday, 09 June 2015 10:03

ბათუმში ხუთვარსკვლავიან სასტუმრო ''ლეოგრანდი'' გაიხსნა. გახსნის ცერემონიას, საქართველოს პრემიერ-მინისტრთან ერთად, რეგიონის პირველი პირები დაესწრნენ. 40 მილიონი დოლარის ოდენობის ინვესტიცია, 180 ნომერი და მსოფლიო კლასის მომსახურება - მთავრობის მეთაურმა ბათუმელებს წარმატებული პროექტის განხორციელება მიულოცა და თურქ ინვესტორს საქართველოს მთავრობის სახელით მადლობა გადაუხადა. პრემიერი ბათუმის მიმართ ინვესტორთა ინტერესის ზრდას მიესალმება. "ეს არის უკვე მეორე ხუთვარსკვლავიანი სასტუმრო, რომელიც ჩვენ ბათუმში გავხსენით. წელს კიდევ რამდენიმე სასტუმრო გაიხსნება. დინამიკა ოპტიმისტურია, ტურისტების რაოდენობა იზრდება და კიდევ უფრო გაიზრდება", - განაცხადა ირაკლი ღარიბაშვილმა. მაღალი კლასის სასტუმრო კომპლექსში საპრეზიდენტო აპარტამენტები, საკონფერენციო დარბაზები, რესტორანი, კლუბი და სპაცენტრია განთავსებული. სასტუმროში 700 ადამიანი დასაქმდა.

 
შეხვედრა საერთაშორისო ინვესტორთა ასოციაციაში PDF Print E-mail
Friday, 05 June 2015 13:17

2015 წლის 4 ივნისს, საერთაშორისო ინვესტორთა ასოციაციამ თურქეთის ტურისტული სააგენტოების ასოციაცია ''ტურსაბის'' წევრ სააგენტოებს, თურქეთის კულტურის სამინისტროსა და ''თურქეთის ავიახაზების'' წარმომადგენლებს უმასპინძლა. შეხვედრის დროს მხარეებმა რეგიონის ტურისტულ და საინვესტიციო პოტენციალზე ისაუბრეს. დელეგაციის წევრები რეგიონში აჭარის ტურიზმისა და კურორტების დეპარტამენტის ორგანიზებით იმყოფებიან. სამომავლო თანამშრომლობის მიზნით სტუმრები უწყების ხელმძღვანელ პირებსაც შეხვდნენ.აღსანიშნავია, რომ შემოსული ტურისტების რაოდენობით, თურქეთი ბოლო წლებია ლიდერ პოზიციაზეა არამარტო რეგიონის, მთლიანად ქვეყნის მასშტაბით. ივნისის თვეში ტურიზმის დეპარტამენტის ორგანიზებით თურქეთიდან კიდევ ორი მედია ტურია დაგეგმილი

 
სოციალურად დაუცველ ოჯახებს ინვესტორთა ასოციაციამ ბავშვთა დაცვის საერთაშორისო დღე მიულოცა PDF Print E-mail
Friday, 05 June 2015 13:14

2015  წლის 1ივნისს  მორიგი საქველმოქმედო აქცია განახორციელა საქართველოს საერთაშორისო ინვესტორთა ასოციაციამ,  75 სოციალურად დაუცველ ოჯახს ბავშვთა დაცვის საერთაშორისო დღე მიულოცა ინვესტორთა ასოციაციის გენერალურმა მდივანმა და მოზარდებს მაკდონალდსში სადილით გაუმასპინძლდა. 75 ბავშვისთვის მოეწყო გასართობი ღონისძიება McDonald’s. აქციის ფარგლებში ბავშვებმა ისადილეს და მათ სამახსოვრო სათამაშოები გადაეცათ. ინვესტორთა ასოციაცია მუშაობს არა მარტო ინვესტიციების მოზიდვისათვის, არამედ აქტიურად ახორციელებს საქველმოქმედო ღონისძიებებს, მათთვის ვისაც ძალიან ჭირდებათ ჩვენი გვერდში დგომა. ცნობისათვის: ბავშვთა დაცვის საერთაშორისო დღე — დააწესა 1949 წლის ნოემბერს ქალთა საერთაშორისო დემოკრატიულმა ფედერაციამ. 1950 წლიდან აღინიშნება ყოველწლიურად 1 ივნისს მსოფლიოს მრავალ ქვეყანაში.

 
შეხვედრა თურქ ბიზნესმენებთან საერთაშორისო ინვესტორთა ასოციაციის ოფისში PDF Print E-mail
Friday, 05 June 2015 06:22

მიმდინარე წლის 22 მაისს ფოთის თავისუფალმა ზონამ მონაწილეობა მიიღო ქ. ბათუმში საერთაშორისო ინვესტორთა ასოციაციის მხარდაჭერით ორგანიზებულ შეხვედრაში ტექსტილისა და კვების მრეწველობის სფეროში მოღვაწე თურქულ კომპანიებთან. თურქეთიდან 15 სხვადასხვა კომპანიის წარმომადგენლები შეხვდნენ ფოთის თავისუფალი ზონის წარმომადგენელს და გაეცნენ ზონაში არსებულ მუშაობის პირობებს, პრეფერენციებს, არსებულ ინფრასტრუქტურას და პერსპექტივებს. შეხვედრას საერთაშორისო ინვესტორთა ასოციაციის გენერალური მდივანი ესწრებოდა რომელმაც თურქ ბიზნესმენებს აჭარის რეგიონში მიმდინარე და არსებული პროექტები გააცნო როგორც ბიზნესის ასევე ტექსტილის სფეროს კუთხით. შეხვედრის ბოლოს რამდენიმე დაინტერესებულმა კომპანიამ ფოთის თავისუფალი ზონის ტერიტორიის დათვალიერებისა და მიმდინარე პროექტების ადგილზე გაცნობის სურვილი გამოთქვა. ფოთის თიზ–ი განსაკუთრებით მიმზიდველი აღმოჩნდა ტექსტილის მწარმოებელთათვის, ვინაიდან ფოთში ფაქტიურად მოხსნილია კვალიფიციური კადრების მოზიდვა გადამზადების პრობლემა,პროფესიული სკოლა / კოლეჯი სხვა მრავალ დარგთან ერთად ამ დარგის სპეციალისტებსაც ამზადებს. სწავლება უფასოა და ფინანსდება საქართველოს მთავრობის მიერ. კოლეჯის კურს დამთავრებულებზე გაიცემა შესაბამისი სერთიფიკატები, განსაკუთრებით მნიშვნელოვანია ის ფაქტი რომ კოლეჯი აღჭურვილია თანამედროვე დანადგარებით, მათ შორის, საკერავი მანქანებით.  შეთანხმდა რომ დაინტერესებული კომპანიები დეტალებში გათვლიან თავიანთ პოტენციურ პროექტებს ფოთის თიზ–ში და შემდგომში მოხდება კოორდინირებათიზ–თან მათგან ვითარებასთან დაკავშირებით.  ფოთის თავისუფალი ზონა, რომელიც 2011 წლიდან ფუნქციონირებს, აქტიურად განაგრძობს განვითარებას  და მუშაობას სხვადასხვა მიზნობრივი ქვეყნებიდან სამრეწველო თუ სავაჭრო მიმართულებით კომპანიების მოსაზიდად. ფოთის თავისუფალი ზონა წარმოადგენს რეგიონალურ ჰაბს,რომელიც მიმზიდველია როგორც მსუბუქი მრეწველობისთვის, ისე რეგიონული ვაჭრობისთვის და მძიმე მრეწველობის საწარმოებისათვის.

 
გამოვიდა სსია-ს მორიგი ყოველკვირეული ეკონომიკური დაიჯესტი... PDF Print E-mail
Monday, 01 June 2015 07:32

გთხოვთ იხილოთ დაიჯესტი No 277

 
<< Start < Prev 71 72 73 74 75 76 77 78 79 80 Next > End >>

Page 74 of 121