2022 წლის 7 ივნისს თურქეთის საგარეო ეკონომიკური ურთიერთობების საბჭოს (DEIK) დელეგაცია საერთაშორისო ეკონომიკურ ურთიერთობათა დეპარტამენტის დირექტორს ნოშრევან ლომთათიძეს სამუშაო ვიზიტით ეწვია. შეხვედრის ფარგლებში მხარეებმა განიხილეს მიმდინარე აქტუალური საკითხები, საქართველო-თურქეთს შორის ორმხრივი სავაჭრო-ეკონომიკური თანამშრომლობის მნიშვნელობა და სამომავლო პერსპექტივები. DEIK-ის თურქეთ-საქართველოს ბიზნეს-საბჭოს თავმჯდომარემ ბატონ ნოშრევანს მადლობა გადაუხადა მასპინძლობისთვის.

2022 წლის 7 ივნისს თურქეთის საგარეო ეკონომიკური ურთიერთობების საბჭოს (DEIK) დელეგაცია MUSIAD თბილისის ფილიალს სამუშაო ვიზიტით ეწვია. შეხვედრის მსვლელობისას მხარეებმა განიხილეს თურქეთ-საქართველოს ეკონომიკური და სავაჭრო ურთიერთობები, ქვეყანაში ინვესტიციების მოზიდვის გზები და სამომავლო გეგმები. DEIK-ის თურქეთ-საქართველოს ბიზნეს-საბჭოსა და საქართველოს საერთაშორისო ინვესტორთა ასოციაციის  თავმჯდომარემ MUSIAD თბილისის  თავმჯდომარეს მ.ოზგურ იუჯელს მადლობა გადაუხადა მასპინძლობისთვის.

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი თურქეთ-საქართველოს ბიზნესსაბჭოს თავმჯდომარეს, ოსმან ჩალიშქან-მჟავანაძეს და  თურქეთის საგარეო ეკონომიკური ურთიერთობების საბჭოს (DEIK) წარმომადგენლებს შეხვდა. მხარეებმა ქვეყნებს შორის პარტნიორული ურთიერთობების მნიშვნელობის შესახებ ისაუბრეს და სამომავლო სავაჭრო-ეკონომიკური თანამშრომლობის გაღრმავებისა და სოფლის მეურნეობის დარგში ინვესტირების შესაძლებლობები განიხილეს. გიორგი ხანიშვილმა ბიზნესსექტორის წარმომადგენლებს სოფლის მეურნეობის განვითარების ხელშემწყობი სახელმწიფო პროექტების შესახებ მიაწოდა ინფორმაცია. მინისტრის პირველმა მოადგილემ ვრცლად ისაუბრა მეცხოველეობის, ბაგური მეცხვარეობის, ჩაის, კენკროვანი და მარცვლეული კულტურების განვითარების პოტენციალზე და ყურადღება „იმერეთის აგროზონაზე” - სასათბურე მეურნეობების კლასტერის განვითარების შესაძლებლობის საკითხზე გაამახვილა. როგორც ოსმან ჩალიშქან-მჟავანაძემ აღნიშნა, საქართველო თურქეთისთვის მნიშვნელოვანი პარტნიორია და სოფლის მეურნეობის მიმართულებით სავაჭრო ურთიერთობები კიდევ უფრო გაღრმავდება. გარემოს დაცვისა და სოფლის მეურნეობის სამინისტროში გამართულ შეხვედრას შესაბამისი სამსახურების ხელმძღვანელი პირები და წარმომადგენლები ესწრებოდნენ.

დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილმა და დიასპორისა და კავკასიის საკითხთა კომიტეტის თავმჯდომარის პირველმა მოადგილემ, გივი ჭიჭინაძემ, თურქეთის რესპუბლიკის პარლამენტთან მეგობრობის ჯგუფის წევრებთან ერთად, თურქეთის „საგარეო ეკონომიკური ურთიერთობის საბჭოში“ (DEIK) შემავალ თურქეთ-საქართველოს ბიზნეს საბჭოსა და საქართველოს საერთასორისო ინვესტორთა ასოციაციის  თავმჯდომარე ოსმან ჩალიშქან მჟავანაძესთან და საბჭოს წარმომადგენლებთან სამუშაო შეხვედრა გამართეს. შეხვედრაზე საქართველოსა და თურქეთს შორის არსებული მეგობრული და პარტნიორული ურთიერთობები მიმოიხილეს და სავაჭრო-ეკონომიკური თანამშრომლობის გაძლიერების მნიშვნელობაზე იმსჯელეს. აღინიშნა ეკონომიკური თანამშრომლობის კუთხით არსებული პოტენციალის სამომავლოდ მაქსიმალურად გამოყენების მნიშვნელობა, რაც, მხარეების თქმით, ორ ქვეყანას შორის სავაჭრო ბრუნვის გაზრდას, საქართველოს მიმართ თურქული კომპანიების ინტერესის ზრდას, ქვეყანაში ინვესტიციების მოზიდვას და სექტორული თანამშრომლობის კიდევ უფრო გაძლიერებას გულისხმობს.

გთხოვთ იხილოთ დაიჯესტი No 643

გთხოვთ იხილოთ დაიჯესტი No 642

გთხოვთ იხილოთ დაიჯესტი No 641

გთხოვთ იხილოთ დაიჯესტი No 640

გთხოვთ იხილოთ დაიჯესტი No 639

გთხოვთ იხილოთ დაიჯესტი No 638