გთხოვთ იხილოთ დაიჯესტი #48

გთხოვთ იხილოთ დაიჯესტი #47

მიმდინარე წლის 2 დეკემბერს საერთაშორისო ინვესტორთა ასოციაციაში მმართველთა საბჭოს მორიგი სხდომა გაიმართა.

დღის წესრიგში იდგა შემდეგი საკითხები:

1.საქართველოს საერთაშორისო ინვესტორთა ასოციაციის ახალი გენერალური მდივნის წარდგენა;

2. ასოციაციის შემგომი მუშაობის სამოქმედო გეგმის  შემუშავება.

მმართველთა საბჭოს თავჯდომარემ ბატონმა ჯემალ ბილგინგულლუოღლუმ მმართველთა საბჭოს წევრებს წარუდგინა ახალი გენერალური მდივნის კანდიდატურა.მმართველთა საბჭომ ერთხმად მხარი დაუჭირა წარმოდგენილ კანდიდატურას და დააკისრეს მოვალეობები, როგორც სამუშაოს ნაწილი.

ასოციაციის შემგომი მუშაობის სამოქმედო გეგმის  განსახილველი საკითხებიდან წარმოდგენილი იყო: საქართველოს პარლამენტში,დარგობრივი ეკონომიკისა და ეკონომიკური პოლიტიკის კომიტეტში,საინვესტიციო კანონმდებლობის და ინვესტიციების განხორციელების სამართლებრივი რეჟიმის სრულყოფის მიზნით,ასოციაციის წევრი კომპანიების ბიზნეს საქმიანობისათვის ხელსაყრელი პირობების შექმნის გაუმჯობესება,საქართველოში უცხოური ინვესტიციების დაბანდებისათვის სათანადო ღონისძიებების განხორციელება,დაინტერესებულ ინვესტორთათვის საქართველოში ბიზნეს საქმიანობის დასაწყებად შესაბამისი საინფორმაციო,ორგანიზაციული და სამართლებრივი დახმარების აღმოჩენა და სხვა.

გთხოვთ იხილოთ დაიჯესტი No 46

გთხოვთ იხილოთ დაიჯესტი #45

მიმდინარე წლის 24 ნოემბერს USAID-ის ახალი პროექტის ეკონომიკური აღმავლობის ინიციატივის თანამშრომლები, ქართველი და უცხოელი ექსპერტები ეწვივნენ საქართველოს საერთაშორისო ინვესტორთა ასოციაციას, საქართველოში სხვადასხვა ბიზნეს სექტორის შემოდგომი განვითარების პოტენციალზე ინფორმაციის მიღების მიზნით.

USAID-ის ახალი პროექტის მთავარი მიზანია ხელი შეუწყოს საქართველოში ბიზნესის კონკურენტუნარიანობის გაზრდას, ახალი სამუშაო ადგილების შექმნასა და უცხოური და ადგილობრივი ინვესტიციების მოზიდვას.

შეხვედრაზე დაიგეგმა ვიზიტი კომპანიებთან  (აჭარა ტექსტილი, ბათუმიტექსი, ბი თი ემ ტექსტილი, ჯორჯიან ტექსტილი) მათი საქმიანობის გაცნობის მიზნით.

მიმდინარე წლის 20 ნოემბერს სასტუმრო “შერატონ-ბათუმში” აჭარის ფინანსთა და ეკონომიკის სამინისტროსა და საქართველოს საერთაშორისო ინვესტორთა ასოციაციის ორგანიზებით გაიმართა შეხვედრა საქართველოს ფინანსთა მინისტრ ბატონ კახა ბაინდურაშვილთან.

შეხვედრას ესწრებოდნენ აჭარის ფინანსთა და ეკონომიკის მინისტრი ბატონი ვაჟა ბოლქვაძე, აჭარის ფინანსთა და ეკონომიკის მინისტრის მოადგილე ბატონი თამაზ შავაძე, საქართველოს საერთაშორისო ინვესტორთა ასოციაციის წევრი კომპანიების წარმომადგენლები, აჭარის სავაჭრო-სამრეწველო პალატის, აჭარის მშენებელთა და დეველოპერთა ასოციაციის, აჭარის ფარმაცევტთა ასოციაციის ხელმძღვანელები და ადგილობრივი მსხვილი მეწარმეები.

საქართველოს საერთაშორისო ინვესტორთა ასოციაციის წევრებთან ინტენსიური შეხვერების დროს გამოკვეთილი იქნა რიგი პრობლემატური საკითხები, რომელიც გახდა მსჯელობის საგანი აღნიშნულ შეხვედრაზე.

საქართველოს საერთაშორისო ინვესტორთა ასოციაციამ წარმოდგენილი საკითხები წერილობითი სახით მიაწოდა ბატონ კახა ბაინდურაშვილს:

1.        საბანკო გარანტიებთან დაკავშირებით;

2.       საბაჟო გაფორმებიდან გამომდინარე სპეციფიკურობასთან და მომსახურებასთან დაკავშირებით;

3.       ტვირთზე კოდების მინიჭებასთან და საჯარიმო ზომების გამოყენებასთან დაკავშირებით

4.       სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების შესახებ;

5.       ძირითად საშუალებებზე, მანქანა – დანადგარებსა და ახალი ტექნოლოგიების შემოტანისას დღგ-ს გადასახადით დაბეგვრა;

6.       საბაჟო ტერმინალებზე, რკინიგზაზე და პორტებში მომსახურების ტარიფების მუდმივი ზრდა;

7.       დავებთან დაკავშირებული საკითხები.

ფინანსთა მინისტრის მიერ განმარტებული იქნა ახალი საბაჟო-საგადასახადო კოდექსის პრიორიტეტები და დასახული იქნა აღნიშნული საკითხების მოგვარების გზები, რომლებიც გათვალისწინებული იქნება სამინისტროს შემდგომ მუშაობაში და ხელს შეუწყობს საქართველოში საინვესტიციო გარემოს გაუმჯობესებას, ახალი ინვესტიციების შემოსვლასა და კერძოდ, საქართველოში ბიზნესის კეთებისათვის ხელსაყრელი პირობების შექმნას.

გთხოვთ იხილოთ დაიჯესტი #44

გთხოვთ იხილოთ დაიჯესტი #43...

საქართველოს საერთაშორისო ინვესტორთა ასოციაციის გენერალური მდივანი – ბატონი თამაზ შავაძე დაინიშნა აჭარის ფინანსთა და ეკონომიკის მინისტრის მოადგილედ, რომელიც სამინისტროს ხაზით ეკონომიკურ საკითხებში კურირებას გაუწევს ინვესტიციებთან დაკავშირებულ საკითხებს, ლიცენზირებისა და სერთიფიცირების სამსახურს, მინისტრის აპარატსა და ადმინისტრაციულ დეპარტამენტს, აჭარაში მოქმედ ასოციაციებს, სავაჭრო პალატებსა და ბიზნეს გაერთიანებებს.

საქართველოს საერთაშორისო ინვესტორთა ასოციაციის მმართველთა საბჭო, სამეთვალყურეო საბჭო, ასოციაციაში გაწევრიანებული ორგანიზაციები და თანამშრომლები ვულოცავთ ბატონ თამაზს ესოდენ მნიშვნელოვანი თანამდებობის დაკავებასა და ვუსურვებთ წარმატებებს პირადსა და საზოგადოებრივ საქმეში.