აჭარის მთავრობის ოფიციალური დელეგაცია მთავრობის თავმჯდომარის ლევან ვარშალომიძის ხელმძღვანელობით სამუშაო ვიზიტით ამერიკის შეერთებულ შტატებში იმყოფება, სადაც მსოფლიო საკრუიზო ინფრასტრუქტურის გამოფენას – "SEATRADE MIAMI -2011" დაესწრება. ვიზიტის ფარგლებში აჭარის პირველმა პირმა შეხვედრები გამართა "Medcruise"–ს გენერალურ მდივანთან ხოსე კამპოსთან და “Tura Turism”-ის პრეზიდენტთან ერკუნტ ონერთან. შეხვედრაზე მაიამის ტურისტულ კომპანიებსა და აჭარის ავტონომიურ რესპუბლიკას შორის ორმხრივი თანამშრომლობის დეტალები განიხილეს. აჭარის სამთავრობო დელეგაცია შეხვედრებს გამართავს "Royal Caribbean Cruses"–ის ვიცე-პრეზიდენტთან ჯონ ტერსეკთან, "Holland America Line"-ს დირექტორთან სეიმონ დოუვსთან, ასევე "Port of Odessa"-ს დირექტორს ელვირა ლეშენსკაიასა და უკრაინის "INFLOT" –ის გენერალურ დირექტორს ოლგა ბრონესკაიასთან. შეხვედრის მიზანია უფრო მეტი საკრუიზო კომპანიების მოზიდვა ბათუმის პორტში. სამუშაო ვიზიტი 17 მარტს დასრულდება.

ბათუმში ტრამპ-ტაუერის მშენებლობის დაწყების შეთანხმება ტრამპის ორგანიზაციასა და "სილქ როუდ ჯგუფს" შორის ნიუ-იორკში, ცნობილი მილიარდერის სათავო ოფისში გაფორმდა. დონალდ ტრამპის კერძო ინვესტიცია პირველ ეტაპზე 250 მილიონი დოლარით განისაზღვრა და ის ბათუმსა და თბილისში საცხოვრებელი კომპლექსის და სასტუმროს მშენებლობას ითვალისწინებს. მშენებლობა თავდაპირველად ბათუმში დაიწყება, შემდეგ კი თბილისში. კომლექსებში, სასტუმრო და საცხოვრებელი ბინების გარდა, იქნება სამორინეები და საოფისე ფართობი.

გთხოვთ იხილოთ დაიჯესტი No 59

ეროვნული ბიზნეს დაჯილდოება “მერკური 2011” პირველად საქართველოში ტარდება. მისი ინიციატორია საქართველოს ეკონომიკისა და მდგრადი განვითარების სამინისტრო, საქართველოს ეროვნულ საინვესტიციო სააგენტოსთან ერთად. ეროვნული ბიზნეს დაჯილდოების გენერალური სპონსორია “HSBC-ბანკი საქართველო”. დაჯილდოების დაარსების მიზანია ქართული ბიზნესის წარმოჩენა, წახალისება და პოპულარიზაცია. იგი მოწოდებულია ხელი შეუწყოს უკვე მიღწეული წარმატების მაგალითზე ადგილობრივი საქმიანი წრეების ახალ ინიციატივებს, ინოვაციურ გადაწყვეტილებებს, მათი საქმიანობის არეალის გაფართოებასა და განვითარებას. საქართველოს ეროვნული ბიზნეს დაჯილდოება - “მერკური” 2011 აერთიანებს როგორც მცირე და საშუალო, ასევე მსხვილ ბიზნესს.

გთხოვთ იხილოთ დაიჯესტი No 58

საქართველოს საერთაშორისო ინვესტორთა ასოციაციაში გაიმართა შეხვედრა უკრაინის ქალაქ ტერნოპოლის წარმომადგენლობით დელეგაციასთან, რომელსაც ხელმძღვანელობდა ქალაქ ტერნოპოლის მერი სერგეი ნადალი. დელეგაციის შემადგენლობაში იყვნენ ტერნოპოლის საკრებულოს წევრები, ბიზნესმენები და მედიის წარმომადგენლები. საქართველოს საერთაშორისო ინვესტორთა ასოციაციის გენერალურმა მდივანმა იასონ ცერცვაძემ სტუმრებს გააცნო ასოციაციისა და წევრი კომპანიების საქმიანობა, ქვეყნის საინვესტიციო გარემო, თავისუფალი ინდუსტრიული და ტურისტული ზონები, რეგიონში განხორციელებული საინვესტიციო პროექტები. ტერნოპოლის დელეგაცია დაინტერესდა ქალაქ ბათუმის ზღვისპირა ზოლში სასტუმროსა და რესტორნის მშენებლობით-სახელწოდებით „ტერნოპოლი“. ასევე გაცნობის, გამოცდილების გაზიარების და ურთიერთთანამშრომლობის მიზნით ასოციაციის წარმომადგენლები მიიწვია ქალაქ ტერნოპოლში.

2011 წლის 1 მარტს საქართველოს საერთაშორისო ინვესტორთა ასოციაცია გაწევრიანდა ინვესტორთა კორპორაციების მსოფლიო ფედერაციაში. The World Federation of Investors Corporations (WFIC) http://www.wfic.org. აღნიშნულ ორგანიზაციაში გაწევრიანებულია მსოფლიოს 30 ქვეყნის ინვესტორთა ასოციაციები, (მათ შორის აშშ, თურქეთი, შვედეთი, სლოვენია, პორტუგალია, პოლონეთი, ნორვეგია, ჰოლანდია, ლიტვა, იაპონია, იტალია, ჩინეთი, საფრანგეთი, ფინეთი, დანია, კანადა, ბრაზილია, ბელგია, ავსტრია, ავსტრალია). ხოლო საქართველო ლიტვის შემდეგ გახლავთ მეორე ქვეყანა პოსტ საბჭოური სივრციდან რომელიც ინვესტორთა კორპორაციების მსოფლიო ფედერაციის სრულუფლებიანი წევრი გახდა.

22 თებერვალს ინდოეთის ქალაქ მუმბაიში ფოთის თავისუფალ ინდუსტიულ ზონასთან დაკავშირებით ბიზნეს-კონფერენცია გაიმართა, რომელსაც ინდოეთის საქმიანი წრეების წარმომადგენლები დაესწრნენ. კონფერენციის ორგანიზატორები იყვნენ კომპანია “რაკია ჯორჯია” და ინდოეთის სავაჭრო და სამრეწველო პალატების ასოციაცია. ინდოელი ბიზნესმენების წინაშე პრეზენტაცია გააკეთეს და შემდეგ შეკითხვებს უპასუხეს ეკონომიკისა და მდგრადი განვითარების მინისტრმა ვერა ქობალიამ და ფინანსთა მინისტრმა კახა ბაინდურაშვილმა. კონფერენციაზე ცნობილი გახდა, რომ უახლოეს მომავალში საქართველოს ეწვევა ინდოეთის უმსხვილესი ბიზნეს-გაერთიანების – სავაჭრო და სამრეწველო პალატების ასოციაციის დელეგაცია. მის შემადგენლობაში წამყვანი ინდური კომპანიების წარმომადგენლები იქნებიან. აღნიშნული ვიზიტის დროს გაგრძელდება საქმიანი დიალოგი საქართველოს მთავრობასა და ინდოეთის ბიზნეს-წრეებს შორის კონკრეტულ პროექტებთან დაკავშირებით.

გთხოვთ იხილოთ დაიჯესტი No 57

საქართველოს საერთაშორისო ინვესტორთა ასოციაციის წევრი კომპანია ბათუმის სამკერვალო ფაბრიკა ”ბათუმიტექსი”, რომელიც 2000 წლიდან ფუნქციონირებს, საქმიანობას აფართოებს. საწარმოში ახალი ხაზი დამონტაჟდა და ახალი სამუშაო ადგილები შეიქმნა. 750 დასაქმებულს ახალი თანამშრომლები მალე შეემატება. ახალი მარკით შეკერილი ტანსაცმელი ინგლისში გაიყიდება.